POS INVOICE ஒரு அறிமுகம்

சமீபத்தில் பீச் ரயில் நிலையம் சென்றேன். அங்கேயுள்ள சரவண பவனில் காபி அருந்தி விலை கேட்டேன். 19 ரூபாய் கொடுத்தவுடன் ஒரு சிறிய பில்லைத் தந்தார்கள் . அந்த பில் POS ( POINT OF SALES ) INVOICE தான். அந்த சிறிய பில்லில் கடையின் பெயர் , முகவரி , தொலைபேசி எண் , வாட் வரி பதிவு எண், பில் தேதி , பில் நம்பர் , சேல்ஸ் மேன் பெயர் , எந்த பொருள் , எத்தனை விற்கப்பட்டது , வாட் விற்பனைவரி என எல்லாமும் இருந்தது. சரவண பவன் மட்டுமல்ல ஹாட் சிப்ஸ் , ஆனந்த பவன் என எங்கும் POS INVOICE மயம் தான். இப்போதெல்லாம் சிறிய டிபார்மெண்ட் ஸ்டோர் முதல் பெரிய ஷாப்பிங் மால் வரை எங்கும் இதே நிலை தான். RETAIL வணிகம் எனப்படும் சில்லறை வணிகம் செய்யும் ஜவுளிகடைகள் எல்லாம் தற்போது பார் கோடு மூலம் POS INVOICE தருகிறார்கள். கூட்டம் அதிகம் இருக்கும் நேரத்தில் கார்பன் பேப்பர் வைத்து பில் போட்டு வியாபாரம் செய்வது கடினம். அதிலும் பொருட்களை சரிபார்த்து பில் போட்டு அதற்குரிய பணம் வாங்குவது சவாலான விஷயம்.
அதனால் தான் கூட்ட நெரிசல் உள்ள புத்தக கடை , செருப்பு கடை, பேக்கரி , ஸ்வீட் ஸ்டால் , துணிக்கடை , மெடிக்கல் ஷாப் போன்ற இடங்களில் POS INVOICE மூலம் பில் தருகிறார்கள். POS INVOICE பயன்படுத்துவதால் நேரம் மிச்சமாகிறது. ஏராளமான பொருட்களை வைத்து விற்பனை செய்யும் கடைகளில் கூட தெளிவான ஸ்டாக் நிலவரத்தை தெரிந்து கொள்ளமுடிகிறது. ( சில்லறை வியாபாரிகளுக்கென்றே Tally நிறுவனம் Tally Shopper 9 என்ற தனி மென்பொருளை வெளியிட்டுள்ளது). அவ்வளவு ஏன் சரக்கு இருப்பு ( CLOSING STOCK ) முதல் கையிருப்பு ( CASH BALANCE ) வரை எளிதில் தெரிந்து கொள்ளலாம். எந்தெந்த பொருள் அதிகம் விற்பனையாகிறது. எந்த பொருள் விற்காமல் தேங்கியுள்ளது என நாம் தெரிந்து கொள்ள முடிவதால் PURCHASE MANAGEMENT எளிதாகிறது.

சென்னை புத்தகக் கண்காட்சியில் Tally.ERP9 மூலம் பில்.

சமீபத்தில் சென்னை புத்தகக் கண்காட்சி சென்றிருந்தேன்.
அங்கிருந்தவை புத்தகக் கடைகள் அல்ல !
புத்தகக் கடல் !!

ஆம் பல இலட்சக்கணக்கான புத்தகங்கள் குவிந்து கிடந்தன.

அறிவு தேடலின் புதிய திருவிழா இக் கண்காட்சி.

அலைமோதும் கூட்டத்தில் புத்தகத் தேடலில் இருந்த போது என்னுடன் வந்த நண்பர் கேட்டார்..
பல்வேறு தலைப்புகள்,
வெவ்வேறு ஆசிரியர்கள்,
எண்ணிலடங்கா புத்தகங்கள் எப்படி இவற்றை விற்று ஸ்டாக்கை எவ்வாறு சரிபார்ப்பார்கள் எனறு..

நானும் யோசனையோடு கவனித்தேன்..

ஒரு சில கடைகள் தவிர பெரும்பாலான கடைகளில் கம்பியூட்டரில் பில் போட்டு விற்பனை செய்தார்கள்.
அதிலும் குறிப்பாக 2 கடைகளில் மட்டுமே Tally.ERP9 மூலம் பில் போட்டு விற்பனை செய்து கொண்டிருந்தார்கள்.
ஒரு வட இந்திய கடையில் Tally.ERP9 ல் POS இன்வாய்ஸ் மூலம் விற்பனை செய்து கொண்டிருந்தார்.
அதேபோலத்தான் உயிர்மை பதிப்பகத்திலும் Tally.ERP9 மூலம் பில் போட்டு கொண்டிருந்தனர்.

ஒரே வித்தியாசம் உயிர்மை புத்தகக் கடையில் விற்பனை செய்த புத்தகத்தின் மேலுள்ள பார் கோடு
(BAR CODE) மீது
ஸ்கேனர்
(SCANER) வைத்து அழுத்துகிறார்கள்.

உடனே திரையில் அந்த புத்தகத்தின் பெயர் (தமிழில்) மற்றும் விலை கம்பியூட்டரில் பதிவாகிறது.

மொத்த பில் தொகையை ரொக்கமாகவோ CREDIT CARD மூலமாகவோ பெற்று கொள்கிறார்கள்.
பிறகு அந்த POS இன்வாய்ஸை பிரிண்ட் எடுத்து புத்தகத்தோடு தருகிறார்கள்.

தமிழில் புத்தகத்தின் பெயர் போட்டு தந்தது ஆச்சர்யம்.


எல்லாம் சரி.

Tally.ERP9 இல்
"POS INVOICE"
என்றால் என்ன.? என்று கேட்கிறீர்களா..


சாதாரண இன்வாய்ஸ்க்கும் POS இன்வாய்ஸ்க்கும் என்ன வித்தியாசம்..?

விபரம் அடுத்த பதிவில்..

Tally.ERP9இல் PDF வசதி [Part-2]

இப்போது Tally.ERP9 மூலம் எந்த ஒரு ரிப்போர்ட்டையும் நீங்கள் PDF
(Portable Document Format)
ஆக மாற்றி கொள்ளலாம்.
PDF என்பது ஜெராக்ஸ் காபி போன்றது என்றாலும் அதில் யாரும் எந்த வித மாற்றமோ திருத்தமோ செய்ய இயலாது.
பாஸ்வேர்டு போட்டு மற்ற யாரும் பார்க்காதபடி யாருக்கும் நீங்கள் தைரியமாக மின்னஞ்சல் அனுப்பலாம்.
அவ்வளவு ஏன் உங்களுக்கு தேவையான கம்பெனியின் முக்கிய ரிபோர்ட்களை நீங்கள் PDF ஆக மாற்றி பென் டிரைவில்
( PEN DRIVE ) COPY செய்து வைத்து கொண்டால் அந்த PDF பைலை நாம் எங்கேயும் எப்போதும் பயன்படுத்தலாம்.

பிரபல வெளிநாட்டு வங்கிகளான CITI BANK , HDFC BANK போன்றவை கூட தனது வாடிக்கையார்களுக்கு மாதந்திர ஸ்டேட்மெண்டை வேறு யாரும் திறந்து பார்க்காதபடி பாஸ்வேர்டு போட்டு தான் மின்னஞ்சல் அனுப்புகிறார்கள்.
OK நண்பர்களே.
Tally.ERP9 மூலம் எப்படி இன்வாயிஸ் காபி மற்றும் வேறு ரிப்போர்ட்ககளை மின்னஞ்சலில் PDF பைலாக அனுப்புவது என்று பார்ப்போம்.


வழக்கமாக நம்முடைய வெளிமாநில வியாபாரிகள் திடீரென பில் காபி கேட்டால் என்ன செய்வோம்.
1) பில்லை ஜெராக்ஸ் எடுத்து கொரியரிலோ தபாலிலோ அனுப்புவோம்.

அல்லது

2) பில்லை ஜெராக்ஸ் எடுத்து FAX அனுப்புவோம்.

அல்லது

3) பில்லை SCAN செய்து மின்னஞ்சலில் அனுப்புவோம்.

XEROX , FAX , SCANNER எதுவும் தேவையில்லை.
Tally.ERP9 உங்களிடம் இருந்தால் போதும்.
வேலை சுலபமாகி விடும்.
நீங்கள் Tally.ERP9 மென்பொருளை பயன்படுத்துபவராக இருந்தால் உங்கள் வெளிமாநில வாடிக்கையாளர்க்கு BILL COPY அனுப்புவது மிகவும் எளிதாகிவிடும்.

இந்த முறையில் அனுப்புவதால் நமது நேரமும் செலவும் மிச்சமாகும்.
உதாரணத்திற்கு டேலி.ஈஆர்பி9 மூலம் இன்வாய்ஸ் பில் காபியை
( INVOICE BILL COPY ) எப்படி PDF பைலாக மாற்றி வெளிமாநில வியாபாரிக்கு மின்னஞ்சல் அனுப்புவது என்று பார்ப்போம்.


உங்கள் Tally.ERP9இல் ஏதாவது ஒரு கம்பெனியை ஓபன் செய்யுங்கள்.


டிஸ்பிளே மெனுவில் Account Bookஇல்
Sales Registerஐ ஒபன் செய்யுங்கள்.


F2ஐ அழுத்தி குறிப்பிட்ட தேதியில் ஏதாவது ஒரு சேல்ஸ் இன்வாய்ஸ் வவுச்சரை செலக்ட் செய்யுங்கள்.


இப்போது
ALT+E என்ற சார்ட்கட் கீயை அழுத்துங்கள்.

OK.

இப்போது
Esc பட்டனை அழுத்துங்கள்.


FORMAT என்ற வரிக்கு சென்றால் 6 விதமான FORMAT இருக்கும்.
அதில் PDF என்ற பார்மெட்டை தேர்வு செய்துவிட்டு மற்றவற்றிற்கு
OK செய்து பாருங்கள்.


இப்போது TALLY திரையை மினிமைஸ் செய்து டெஸ்க்டாப்பிற்கு வாருங்கள்.

Tally.ERP9 என்ற ஐகானை ( ICON ) ரைட்கிளிக் செய்யுங்கள்.


கடைசியாக இருக்கும் PROPERTIES என்பதை அழுத்துங்கள்.

இப்போது PROPERTIES கட்டத்தின் கீழே
FIND TARGET என்பதை அழுத்துங்கள்.


உங்களுக்கு தேவையான பில் காபி PDF பார்மெட்டில் இருக்கும்.


அதை மின்னஞ்சலில் இணைத்து பார்ட்டிக்கு அனுப்பலாம்.


பில் காபி மட்டுமல்ல
PROFIT& LOSS,
TRIAL BALANCE,
BALANCE SHEET
என அனைத்து வித ரிப்போர்ட்களையும் PDF ஆக மாற்றி பயன்படுத்தலாம்.

Tally.ERP9இல் PDF வசதி [Part-1]

இப்போதெல்லாம் வங்கியில் சேமிப்பு கணக்கு வைத்திருப்பவர்கள் யாரும் பணம் எடுக்க பெரும்பாலும் வங்கிக்கு சென்று டோக்கன் வாங்கி மணிக்கணக்கில் காத்திருப்பதில்லை.

சேமிப்புக் கணக்கு வைத்திருப்பவர்கள் அனைவருக்கும் பேங்கில் DEBIT CARD கொடுத்து விடுகிறார்கள்.

அதனால் நீங்கள் பணம் எடுக்க பேங்கிற்கு செல்ல வேண்டிய அவசியமில்லை.
ATM சென்டருக்கு சென்று உங்கள் சேமிப்பு கணக்கில் பேலன்ஸ் பார்த்து பணம் எடுத்து கொள்ளலாம்.
ATMக்கு சென்றவுடன் நமது கணக்கில் எவ்வளவு பணம் இருப்பு இருக்கிறது என்பதை பார்க்க மினி ஸ்டேட்மெண்ட் எடுப்போம்.
அதன்பிறகே நமக்கு தேவையான பணத்தை பெறுவோம்.
ஒவ்வொரு முறை பணம் எடுக்கும்போதும் நாம் அந்த மினி ஸ்டேட்மெண்ட் சிலிப்பை பத்திரபடுத்தி கொள்வோம்.
ஆனால் அந்த சிலிப்பில் உள்ள எழுத்துக்கள் அடுத்தமுறை பார்க்கும்போது அழிந்திருக்கும்!

சமீபத்தில் நண்பர் ஒருவர் சென்ற வருடம் மாநகராட்சிக்கு சொத்துவரி கட்டிய ரசீதை ஜெராக்ஸ் எடுக்க பைலில் தேடினார்.
வெற்று பேப்பர் தான் இருந்தது!
காரணம் வழக்கமாக கார்பன் வைத்து பில் போடும் அதிகாரி கடந்த முறை கையடக்க கருவி மூலம் பில் போட்டு தந்தார்.
அந்த பில் ATM மினி ஸ்டேட்மெண்ட் அளவிற்கு தான் இருந்தது.

அதேபோன்ற கையடக்க கருவியின் மூலம் தான் மாநகராட்சி பேருந்துகளில் பயணச்சீட்டு தருகிறார்கள்.
சமீப காலமாக பிரபல கொரியர் நிறுவனங்கள் இது போன்ற கையடக்க கருவியில் நமது கையெழுத்தை பெற்று தபால்களை தருகிறார்கள்.
ஒரு சில பைனான்ஸ் கம்பெனிகாரர்கள் தினசரி பணம் வசூல் செய்து கையடக்க கருவி மூலம் தான் பில் தருகிறார்கள்.
ஏன் இன்னும் கொஞ்சம்நாள் போனால் மாத பணத்தை வசூல் செய்ய உங்கள் வீட்டு பால்காரர் , பேப்பர்காரர் , கேபிள் டிவிகாரர் என எல்லோரும் கையடக்க கருவியோடு பில் போட வந்தால் ஆச்சர்யப்பட தேவையில்லை.
இதேபோலத் தான் வியாபாரி ஒருவர் தான் கொள்முதல் செய்த வெளிமாநில பார்ட்டிகளுக்கு அவசரமாக
"சி" பாரம் தர வேண்டி இருந்தது.
அதற்காக அந்த பார்ட்டிகளிடம் கொள்முதல் செய்த பில்களை வணிகவரி அலுவலகத்தில் கொடுக்க ஜெராக்ஸ் எடுத்தார்.
தேவைப்பட்ட பில்களில் 2 பார்ட்டிகளின் சில பில்கள் பைலில் இல்லை.
அதனால் அந்த பார்ட்டிகளுக்கு போன் செய்து தொலைந்து போன பில் காபியை உடனடியாக FAX
( தொலைநகல் ) மூலம் அனுப்ப சொல்லியிருந்தார்.

கொரியர் தபால் மூலம் அனுப்பினால் தாமதமாகும் என்பதற்காகவும் பில்காபி உடனடியாக தேவை என்பதற்காகவும் தான் FAX அனுப்ப சொல்லியிருந்தார்.
ஒரு பார்ட்டி பில்காபியை FAX அனுப்பி இருந்தார்.
மற்றொரு பார்ட்டி பில்காபியை ஸ்கேன் செய்து மெயில் அட்டாசமெண்டாக மின்னஞ்சல் மூலம் அனுப்பியிருந்தார்.
அவரிடம் FAX கருவி இருந்தது. அதனால் இது சாத்தியமானது.
இல்லாவிட்டால் அருகிலுள்ள PCO வின் FAX நம்பருக்கு பில்காபியை அனுப்ப சொல்ல வேண்டியிருக்கும்.
இதில் முக்கியமாக கவனிக்க வேண்டியது FAX காபி , ATM மினி ஸ்டேட்மெண்ட் மற்றும் கையடக்ககருவிகள் தரும் பில்கள் எல்லாம் என்றைக்கு பிரிண்ட் ஆகிறதோ அன்று மட்டும் தான் உபயோகபடுத்தும் அளவிற்கு பிரிண்ட்அவுட் இருக்கும்.
ஆகவே இதுபோன்ற பிரிண்ட்அவுட்களை உடனடியாக ஜெராக்ஸ் எடுத்து கொள்வது பிற்பாடு நமக்கு எப்போதும் உதவும்.
இல்லாவிட்டால் அந்த பிரிண்ட்அவுட் அழிந்து விரைவில் வெற்றுதாளாக மாறிவிடும்.

பேக்ஸ் தாளில் எடுக்கப்படும் பிரிண்ட்டில் உள்ள எழுத்துக்கள் சீக்கிரத்தில் மறைந்துவிடுவதால் நாம் நிரந்தர ரெக்கார்டாக பயன்படுத்த முடிவதில்லை என்பதே உண்மை!

எல்லாம் சரி.
Tally.ERP9 என்ற மென்பொருளுக்கும் இந்த பேக்ஸ் பிரிண்ட்அவுட்டிற்கும் என்ன சம்பந்தம் என்று கேட்கிறீர்களா..?
கட்டாயம் இருக்கிறது.
ஆம் இப்போது Tally.ERP9 மூலம் எந்த ஒரு ரிபோர்ட்டையும் நீங்கள்
PDF (Portable Document Format) ஆக மாற்றி கொள்ளலாம்..


>> தொடர்ச்சி அடுத்த பதிவில்..>>

டேலி பேசிக் டிப்ஸ்..

¤ பேசிக் டேலி டிப்ஸ் ¤

புதிதாக டேலி கோர்ஸ் படித்துவிட்டு வருபவர்கள் டேலியை பயன்படுத்தும்போது துவக்க காலத்தில் சில தவறுகள் செய்ய நேரிடும்.
தவறிற்கு காரணம் புரிந்து கொள்ளாதது அல்ல. தயக்கம் தான் அவர்கள் கவனத்தை திசை திருப்புகிறது.

உதாரணத்திற்கு புதிதாக டேலி கற்றவர் டேலியில் ஒரு கம்பெனியை

( CREATE ) துவக்குகிறார் என்று வைத்து கொள்வோம்.
இப்போது அந்த கம்பெனியின் முந்தைய வருட
( BALANCE SHEET ) பேலன்ஸ் சீட்டைப் பார்த்து ஒவ்வொரு பார்ட்டி லெட்ஜரையும் துவக்குவார்.
பார்ட்டி லெட்ஜெரை புதிதாக
( CREATE ) துவக்கும் போதே அந்த பார்ட்டியின் ஆரம்ப இருப்பையும்
( OPENING BALANCE ) என்ட்ரி செய்வார்.
இப்படி பேலன்ஸ் சீட்டைப் பார்த்து ஒவ்வொரு லெட்ஜராக துவக்கி கொண்டே வருவார்கள்.
குறிப்பிட்ட 2 லெட்ஜரை புதிதாக துவக்கும் போது தான் குழப்பி கொள்வார்கள்.

அந்த 2 லெட்ஜெர்கள் என்ன தெரியுமா...?

1 ) Cash in hand

2 ) Opening Stock

முதலில் Cash in hand என்ற லெட்ஜரில் என்ன பிரச்சினை என்று பார்ப்போம்.
அதற்கு முன் டேலியில் எத்தனை Pre Defined Ledgers இருக்கிறது என்று தெரியுமா..?
இரண்டு..

1 ) Cash

2 ) Profit & Loss

நீங்கள் புதிதாக டேலியில் ஒரு கம்பெனி துவக்கி
( CREATE ) விட்டு எந்த என்டிரியும்
( ENTRY ) போடாமல் Accounts infoவில் உள்ள Ledgersல் Displayவை அழுத்தி பாருங்கள்.

Cash மற்றும் Profit & loss என்ற 2 Ledgerகள் இருக்கும்.
நன்றாக நினைத்து பாருங்கள்.
நீங்கள் எந்த லெட்ஜரையும் துவக்கவில்லை.
ஆனால் 2 லெட்ஜர்கள் ஏற்கனவே துவங்கி உள்ளது.
இப்படி டேலியே முன்கூட்டியே துவக்கி கொள்ளும் LEDGERஐ தான் Predefined Ledgers என்று சொல்கிறோம்.
ஏற்கனவே Predefind Ledgerகள் இருப்பதால்
Cash in hand என்ற Ledgerஐ நீங்கள் துவக்க தேவையில்லை.
Accounts infoல் Ledgers சென்று Cash ledgerஐ எடிட் ( EDIT ) என்பதை கிளிக் செய்யுங்கள்.
இப்போது ஒபனிங் பேலன்சை என்டிரி செய்யுங்கள். எல்லாம் சரி..
இன்னும் சுலபமாக புரிந்து கொள்ள புதிதாக ஒரு வழி இருக்கிறது.

லெட்ஜர் துவக்கும்போது
Cash in hand என்பதற்கு பதிலாக Cash என்று லெட்ஜரை துவக்கி பாருங்கள்.
துவக்க முடியாது!
காரணம்
Duplicate entry என்று திரையில் தெரியும்.
Predefined ledgers பற்றி இப்போது புரிகிறதா..

அடுத்து
Opening Stock என்ற லெட்ஜரை துவக்குவதில் என்ன பிரச்சினை என்று பார்ப்போம்..

நீங்கள்
Opening stock என்ற லெட்ஜரை
stock in hand என்ற குரூப்பின்
( GROUP ) கீழ் துவக்கியிருப்பீர்கள்.
இப்போது
OPENING STOCK என்பதிற்கு பதிலாக STOCK என்ற பெயரில் லெட்ஜரை
STOCK IN HAND என்ற குரூப்பின் கீழ் துவக்கி அதில் பேலன்ஸ் சீட்டிலுள்ள
OPENING STOCKன் ஆரம்ப இருப்பை என்டிரி செய்யுங்கள்.
இப்போது
PROFIT & LOSSஐ ஓபன் செய்யுங்கள்.

Opening Stock மற்றும்
Closing Stock என இரண்டும்
Profit & Lossல் இருக்கும்.

இப்போது நீங்கள் கிரிக்கெட் மேட்ச்சில் வரும் ஒபனிங் பேட்ஸ்மேன் போல..
ஆகையால் தைரியமாக தயக்கமின்றி களம் இறங்குங்கள்.

Tally.ERP9இல் பிரிண்ட் வியூவை ஜும் செய்ய..

¤ Tally.ERP9இல் பிரிண்ட் செய்ய ¤

நாம் வழக்கமாக டேலியில் பிரிண்ட் எடுக்க என்ன செய்வோம்..
ALT+P என்ற சார்ட்கட் கீயை பயன்படுத்துவோம்.

டேலியில் DISPLAY MENU விற்கு சென்று ஏதாவது ஒரு பக்கத்தை ஒபன் செய்யுங்கள்.
இப்போது
ALT+P என்ற சார்ட் கீயை அழுத்துங்கள்.

இப்போது திரையின் நடுவில் பிரிண்ட் செய்ய வேண்டிய பக்கத்தின் மாதிரி பக்கம்
( PRINT PREVIEW ) தெரியும். சரி..

பிரிண்ட் பிரிவியூ வை முழு திரையில் பார்க்க என்ன செய்வீர்கள்..

MOUSE உதவியோடு ZOOM என்ற எழுத்தை கிளிக் செய்து சிறிய திரையில் இருக்கும்
PRINT PREVIEWஐ முழு திரைக்கு கொண்டு வருவீர்கள்.

MOUSEஐ பயன்படுத்தாமலே நீங்கள் பிரிண்ட் பிரிவியூ வை பெரிதாக்கி பார்க்க ஒரு சார்ட் கட் கீ இருக்கிறது..!

நீங்கள் பிரிண்ட் செய்ய
ALT+P ஐ அழுத்தியவுடன் சிறிதாக பிரிண்ட் வியூ தெரியும்.

இப்போது
ALT+Z என்ற சார்ட்கட் கீயை பயன்படுத்துங்கள்.

இப்போது
PRINT VIEW முழு திரையில் தெரியும்.

பிரிண்ட் பிரீவியூ பார்க்காமல் பிரிண்ட் செய்ய விரும்பினால் டேலியின் வலது ஓரத்தில்
NO PREVIEW என்ற எழுத்தை கிளிக் செய்யுங்கள்.






இந்த வலைப்பதிவை உலகின் எந்த நாட்டிலிருந்து படித்து கொண்டிருந்தாலும் உங்களுக்கு எனது உளங்கனிந்த "தீபாவளி " நல்வாழ்த்துகள்.

தொலைதூர கைகுலுக்கலுடன் K.ராஜா..

Tally.ERP9இல் COPY & PASTE வசதி.

¤ Tally.ERP9 ¤



Tally-யில் COPY & PASTE வசதி இருக்கிறதா?!
Tally உபயோகபடுத்துகிற யார்கிட்டேயாவது கேட்டு பாருங்க..
பெரும்பாலும் நிறைய பேர் இல்லை என்று தான் சொல்வார்கள்..!

ஆனால் WORD, EXCEL-ல் COPY & PASTE வசதி இருப்பது போல் Tally-யிலும் இருந்தா நல்லா இருக்கும்னு சொல்றீங்களா..OK.

MS WORD & EXCELலில் COPY & PASTE எப்படி பண்ணுவீங்க..?

COPY செய்வதற்கு CTRL+C என்ற ஷார்ட் கட் கீயையும்,
PASTE செய்வதற்கு CTRL+V என்ற ஷார்ட் கட் கீயையும் பயன்படுத்துவீர்கள்.

அப்ப Tallyயில் COPY & PASTE செய்ய ஷார்ட்கட் கீ என்னன்னு கேட்கிறீங்களா..?

Tallyயில் COPY செய்ய
CTRL + ALT + C
என்ற ஷார்ட் கட் கீயையும்,
PASTE செய்ய
CTRL + ALT + V
என்ற ஷார்ட் கட் கீயையும் பயன்படுத்துங்கள்.

Tallyயில் இருந்து பார்ட்டி பெயரையும்,
ஏன் எழுத்துக்களையும் எண்களையும் கூட COPY செய்து
WORD & EXCELலில் PASTE செய்யலாம்.


உதாரணத்திற்கு DISPLAY MENUவிற்கு சென்று ஏதாவது வவுச்சரை ஓபன் செய்யுங்கள்..

அந்த வவுச்சரில் கடைசியாக உள்ள NARRATION BOXஇல் உள்ள எழுத்துகளை
(TEXT ஐ)
CTRL + ALT + C
என்ற ஷார்ட் கட் கீயை பயன்படுத்தி COPY செய்யுங்கள்.

இப்போது
CTRL + ALT + V
என்ற ஷார்ட் கட் கீயை பயன்படுத்தி
MS WORDஇல் PASTE செய்யுங்கள்.




¤ டேலி டிப்ஸ் ¤



பொதுவாக SHORTCUT KEYS என்பது சுருக்கு விசை என அழைக்கப்படுகிறது.
மவுசை ( MOUSE ) தொடாமலேயே KEY BOARD
(விசைப்பலகை) மூலமாகவே வேகமாக என்ட்ரி செய்ய உதவுவதே ஷார்ட் கட் கீ ஆகும்.
ஷார்ட் கட் கீயை பயன்படுத்துவதன் மூலம் என்டிரிகளை வேகமாக பதிவு செய்வதால் நிறைய நேரம் மிச்சமாகும்.











[ இந்த டேலி தளத்திற்கு வருகை தந்து படித்த, ஓட்டளித்த அனைவருக்கும் நன்றி! நன்றி!!

இடுகை பற்றிய தங்களின் எண்ணக் கருத்துக்களை,
ஓரிரு வரியாயினும் பின்னூட்டத்தில் தெரிவித்தால்,
தளம் மற்றும் இடுகை பற்றிய சுய மதிப்பீடு அறிய உதவும். ]

Tally.ERP9 ல் MARK செய்வதன் கூடுதல் பலன்கள்..

Tally.ERP9 CTRL+SPACEBAR மற்றும் SPACEBAR என்ற இரு SHORTCUT KEY மூலம் மேலும் சில நன்மைகள் பெறலாம்.

பெரும்பாலும் நாம் அதிக அளவு TRANSTACTIONS உள்ள கணக்குகளுக்கு மட்டுமே BILLWISE DETAILS OPTIONSனுக்கு YES கொடுத்திருப்போம். ஆனால் அப்படி நாம் BILLWISE DETAILS கொடுக்காத கம்பெனியில் பார்ட்டி பேலன்ஸ் சரி பார்ப்பது கஷ்டமாக இருக்கும். அதற்கு ஒரு பார்ட்டி அக்கவுன்ட்சை திறந்து பாருங்கள்.
எந்த பில்லுக்கு எந்த தேதியில் வந்த AMOUNT டேலி ஆகிறதென்று பார்த்தால் குழப்பாக இருக்கும். அதனால் அந்த பார்ட்டி லெட்ஜர் காப்பியை பிரிண்ட் எடுத்து டேலி செய்து பார்ப்பீர்கள்.

டேலி ERP9 ல் ஏதாவது ஒரு பார்ட்டி லெட்ஜரை திறந்தவுடன் எந்த பில்லுக்கு எந்த AMOUNT டேலி ஆகிறது என SPACEBARஐ அழுத்தி மார்க் செய்து சரிபார்த்து கொள்ளலாம். மார்க் செய்யப்படாமல் விடுபட்ட என்டரிகளை எளிதில் கண்டுபிடித்து பார்ட்டி லெட்ஜரை சரி செய்யலாம்.
அதேபோல் நாம் தினந்தோறும் பேங்க் என்டிரியை தொடர்ந்து TALLYயில் பதிந்து கொண்டே வருவோம். ஆனால் நமக்கு பேங்க் ஸ்டேட்மெண்ட் அடுத்த மாதம் முதல் வாரத்தில் தான் கிடைக்கும்.
நாம் பேங்க் ஸ்டேட்மெண்டில் உள்ள ஒவ்வொரு என்டிரியையும் பார்த்து TALLY.ERP 9 யிலுள்ள நமது பேங்க் லெட்ஜரிலுள்ள என்டிரியை SPACEBARஐ அழுத்தி மார்க் செய்து சரிபார்த்து கொள்ளலாம்.

சாதாரணமாக மளிகைக்கடைக்கு சென்று நமக்கு தேவையான பொருட்களின் லிஸ்டை கொடுத்து விட்டு வருவோம்.
கடைக்காரரும் பொருட்களை எடுத்து வைத்து விட்டு அந்த பொருட்களின் விலையையும் எழுதி வைத்திருப்பார்.
நீங்கள் பில்லுக்குரிய தொகையை கொடுத்தவுடன் கடைக்காரர் எடுத்து வைத்திருக்கும் பொருளை உடனே தர மாட்டார். மாறாக லிஸ்டில் உள்ள ஒவ்வொரு பொருளையும் டிக் அடித்த பிறகு தான் எடுத்து வைப்பார். இது ஒரு CHECK & VERIFY தான்.

இதைப்போல் தான் Tally.ERP9 லிலும் SPACE BARஐ அழுத்தி MARK செய்து கணக்குகளை சரி பார்த்து கொள்ளலாம்.

டேலி: MARK செய்து DELETE செய்ய..

Tally.ERP9


* புதுசு கண்ணா புதுசு *


இப்பெல்லாம் யாரை பார்த்தாலும் கேமிரா போனைத் தான் வச்சிருங்காங்க.
யாரையாவது பார்த்தா முதலில் லேட்டஸ்ட் பாட்டு இருந்தா புளுடூத்துல அனுப்புங்க தான் கேட்பாங்க. நீங்க உங்களோட செல்போனில் பாடல்களை உங்க விருப்பபடி வெவ்வேறு போல்டரில் சேமிச்சி வச்சிருப்பீங்க. அப்ப உங்க பிரண்ட் எல்லா பாடலையும் அனுப்ப வேண்டாம். குறிப்பிட்ட சில பாடல்களை மார்க் ( MARK ) செய்து அனுப்ப சொல்வார். இப்ப நீங்க ஆப்ஷனுக்கு
( OPTION ) போய் மார்க் செய்து புளூடூத் மூலம் அனுப்புவீங்க. MOVE MARKED என்ற ஆப்ஷன் மூலம் ஒரு போல்டரிலுள்ள டேட்டாவை மற்றொரு போல்டருக்கு மாற்றம் செய்ய முடியும். அதே போல் தான் உங்கள் செல்போனிலோ அல்லது உங்கள் E-mail லிலோ இன்பாக்ஸில் உள்ள தேவையில்லாத மெஜேஜை MARK செய்து தானே DELETE செய்வீர்கள். இந்த MARK என்ற முறையில் தான் Tally.ERP9 என்ற VERSION-ல் SELECT , SELECT ALL என்ற இரு ஆப்ஷன் தந்திருக்கிறார்கள். இதற்கு SHORTCUT KEY என்ன தெரியுமா..?


Tally.ERP9ல் DISPLAY MENU கிளிக் செய்த பிறகு எந்த பக்கத்திற்கு சென்றாலும் SCREEN ன் வலது ஓரத்தில்
S=SELECT
S-_SELECT ALL
என்ற ஆப்ஷன் இருக்கும்.
DISPLAY MENU வில் குறிப்பிட்ட ஒரு VOUCHER ENTRY ஐ செலக்ட் செய்ய உங்கள்
KEY BOARD-ல் SPACE BARஐ அழுத்தவும்.
SELECT ALL செய்ய
SHORTCUT KEY
CTRL+SPACE BAR.

சில சமயம் தொடர்ச்சியாக பல வவுச்சர் என்டிரிகளை DELETE செய்ய வேண்டியிருக்கும்.
அப்போது திரையின் கீழே வலது ஓரத்தில் தெரியும்
SELECT ALL என்ற OPTIONSஐ கிளிக் செய்தால் அனைத்து வவுச்சர்களும் கரும்பச்சை நிறத்தில் மார்க் செய்யபட்டு இருக்கும்.

இப்போது
ALT+ D என்ற ஆப்ஷனை OK செய்து DELETE செய்யலாம்.
குறிப்பிட்ட ஒரு சில வவுச்சர்களை மட்டும் MARK செய்ய KEY BOARDல் உள்ள SPACEBARஐ அழுத்தி தேர்வு செய்து DELETE செய்யலாம்.

SMS in Tally.ERP9 இருப்பிடம் தேடி தகவல் தரும் எந்திரன் ரிலீஸ் BETA 2.0

Tally ERP9

Tally.ERP9 டேலியில் SMS வசதி ( SMS IN TALLY.ERP9 )

முன்பெல்லாம் SSLC மற்றும் பிளஸ் 2 ரிசல்ட்களை பேப்பரில் தான் பார்க்க முடியும்.
காலை பத்து மணிக்கு வரும் ஸ்பெஷல் எடிசன் ( SPECIAL EDITION ) பேப்பரில் தேர்ச்சியடைந்த எண்கள் மட்டுமே பிரசுரமாயிருக்கும்.
இப்ப காலம் மாறி போச்சு.. இன்டர்நெட்டில் ரிசல்ட் பார்த்து பிரிண்ட் எடுத்து கொள்ளலாம். ரிசல்ட் வெளியாகிற அன்றைக்கு காலையில் 10 மணிக்கு குறிப்பிட்ட 5 இலக்க எண்ணிற்கு உங்கள் ரிஜிஸ்டர் நம்பரை SMS அனுப்பினால் அடுத்த சில நொடிகளில் ரிசல்ட் உங்கள் செல் போனுக்கு வந்து விடும். அந்த SMS-ல் உங்கள் பெயர் , சப்ஜெட் வாரியாக நீங்கள் பெற்ற மதிப்பெண்கள் உள்ளிட்ட தகவல் இருக்கும்.

SMS என்றாலே வேகம் விரைவு தெளிவு தகவல் தானே.
விரல் நுனியில் விபரம் நீங்கள் எங்கே இருந்தாலும் தகவல் உங்களை நிழல் போல தேடி வரும்.

SMS மூலம் எப்படி தகவல் நம்மை வந்தடைகிறது தெரியுமா...
சமீபத்தில் தமிழக தேர்தல் ஆணையம் வாக்காளர் பணி சரிபார்க்கும் பணியை நடத்தியது. இந்த கள ஆய்வு மூலம் புதிய வாக்காளர்களை சேர்க்கவும், தகுதியில்லா வாக்காளர்கள் பெயர் நீக்கவும் , வாக்காளர்களின் தகவல் மாறியிருந்தால் திருத்தம் செய்யவும் ஏற்பாடு செய்திருந்தது. சரி பார்க்க பட்ட பட்டியல் இன்டர்நெட்டில் வெளியிடப்பட்டது. இன்டர்நெட்டில் பார்க்க நேரமில்லையா.. நீங்கள் இருந்த இடத்திலேயே தகவல் பெற ஏற்பாடு செய்திருந்தது. நாம் குறிப்பிட்ட எண்ணிற்கு
( 51913 ) VOTE என்று டைப் செய்து ஒரு ஸ்பேஸ் விட்டு உங்கள் வோட்டர் ஜடி ( VOTER ID ) எண்ணை பதிவு செய்து என்ற எண்ணுக்கு SMS அனுப்பினால் உடனடி AUTO REPLY யாக ஒரு SMS வரும்.
அதில் உங்கள் வோட்டர் ஐடி எண் நீங்கள் வோட்டு போட வேண்டிய பூத் உங்கள் முகவரி வயது என்று எல்லாமே இருக்கும்.
இதே முறையில் தகவல் பெறும் முறையை தான் ரேஷன் கார்டுகளை பற்றிய தகவல்களை வீடு வீடாக வெரிபிகேசன் செய்து முடிந்த பின் சரி பார்க்கப்பட்ட புதிய பட்டியல் பற்றி தகவல் பெற இணையத்திலும் SMS மூலமாகவும் ஏற்பாடு செய்யப்பட்டது. SMS மூலம் தகவல் எப்படி உடனடியாக பெற முடிகிறது.
நீங்கள் தொடர்பு கொள்ளும் 5 இலக்க SMS எண் குறிப்பிட்ட தகவல் ( DATA BASE ) அடங்கிய கம்பியூட்டருடன் தொடர்பில் இருக்கும். அதே போல் அந்த கம்பியூட்டரும் இன்டர்நெட் இணைப்பில் தொடர்பு இருக்கும். அதனால் தான் நீங்கள் SMS அனுப்பிய மறுகணமே நீங்கள் கேட்ட தகவல் AUTO REPLAY ஆக வந்து விடுகிறது.

டேலி Tally.ERP9 BETA 2.0 வெளீயீட்டிலும் ( RELEASE ) இந்த SMS முறை தான் பின்பற்ற படுகிறது. இதற்கு உங்கள் டேலி Tally.ERP9 அடங்கிய கம்பியூட்டர் இன்டர்நெட் இணைப்பிலும் குறிப்பிட்ட SMS எண் இணைப்பிலும் தொடர்பில் இருக்க வேண்டும். இப்போது குறிப்பிட்ட அந்த 5 இலக்க எண்ணுக்கு நீங்கள் SMS செய்து பேங்க் பேலன்ஸ் முதல் பார்ட்டி பேலன்ஸ் வரை இருந்த இடத்திலிருந்தே பெறலாம். நிழல் போல் தொடரும் தகவல் சேவை SMS வழி உங்கள் இருப்பிடம் தேடி வருகிறது. Tally என்றாலே எளிமை ( SIMPLICITY ) மட்டுமல்ல புதுமையும் கூட என்பதை இந்த SMS வசதி மூலம் மீண்டும் Tally.ERP9 நிருபித்திருக்கிறது. இந்த விரல் நுனியில் தகவல் பெறும் உத்தியால் நேரம் மிச்சமாகிறது. வீண் அலைச்சல் இல்லை. போக்குவரத்து செலவும் மிச்சமாகும்.



Tally ERP9

கன்பர்மேசன் லெட்டர் Tally ERP9

Tally ERP9

¤ கன்பர்மேசன் லட்டர் ¤ ஒரு ஆண்டிற்கு 40 லட்சம் ரூபாய்க்கு மேல் விற்றுவரவு ( SALES ) கொண்ட வியாபாரிகள் தங்கள் வருமானவரி கணக்கை தாக்கல் செய்ய கடைசி நாள் செப்டம்பர் 30ம் தேதி. ( 2010-2011 ) ஆண்டிற்கு 60 லட்சம் என லிமிட் கூடுதலாக்கப் பட்டுள்ளது. இந்த ஆண்டின் கணக்கை ஆடிட்டரிடம் கொடுத்திருப்பீர்கள். உங்களது பேலன்ஸ்சீட்டில் அதிக பாக்கி தொகை கொண்ட (SUNDRY DEBTOR) பார்டியிடம் இருந்து CLOSING BALANCE ஜ உறுதி செய்ய CONFIRMATION LETTER வாங்கி தர சொல்லியிருப்பார். இதற்காக ஒரு ஆண்டிற்கான தகவலை லட்டராக MS WORD , EXCELலிலோ டைப் செய்ய தேவையில்லை. உங்கள் TALLY யில் குறிப்பிட்ட அந்த பார்ட்டியின் லெட்ஜர் ஓபன் செய்யுங்கள். இப்போது ALT+P என்ற SHORTCUT KEYஐ பயன்படுத்தி பிரிண்டிங் மெனுவுக்கு செல்லுங்கள்.இப்போது (ESC) பட்டனை அழுத்துங்கள். NORMAL LEDGER அல்லது CONFIRMATION OF A/C என இரண்டு OPTION வரும். அதில் CONFIRMATION OF A/C என்பதை செலக்ட் செய்து பிரிண்டிங் OK செய்யவும். TALLY பிரிண்ட் அவுட்டில் FROM , TO அட்ரஸீடன் CONFIRMATION LETTER இருக்கும்.
அதில் எங்கள் கணக்கில் உங்கள் பாக்கி தொகை இவ்வளவு. நீங்கள் சரக்கு அனுப்பிய தேதி , பில் நம்பர் , பில் தொகை ஆகியவையும் பார்ட்டியிடம் நீங்கள் பெற்ற தொகை ,தேதியும் தெளிவாக இருக்கும். பார்ட்டிக்கு நேரடியாக CONFIRMATION LETTER அனுப்பச் சொல்லி நீங்கள் விண்ணப்பிபது போல் இருக்கும்.


Tally ERP9

30 நாட்களில் டேலி 9 Tally ERP9

Tally ERP9

"30 நாளில் டேலி 9"
இப்படி டேலி பற்றி தமிழில் ஏதாவது புத்தகம் கிடைக்குமா என்று தேடுபவர்கள் ஏராளம்.
கண்ணதாசன் பதிப்பகமும் தமிழ் கம்பியூட்டர் நிறுவனமும் தான் தமிழில் டேலி பற்றிய புத்தகம் வெளியிட்டுள்ளனர்.

சரி விஷயத்திற்கு வருவோம். புத்தகத்தை படித்து வீட்டிலிருந்தே டேலியில் தெளிவாக முடியுமா..?

ஒன்றை நினைவில் வைத்து கொள்ளுங்கள்.
படிப்பது வேறு. படித்ததை நம் அன்றாட வாழ்வோடு பயன்படுத்தி முன்னேறுவது வேறு.


Tally ERP9

நகைச்சுவை ஒன்று படித்தேன்..
ஒருவர் சொன்னாராம் ஆங்கிலத்தில் எந்த வார்த்தைக்கும் என்னால் அர்த்தம் சொல்லமுடியும்.அதற்கு அவருடைய நண்பர் நீ ஆங்கிலத்தில் எவ்வளவு மதிப்பெண் எடுப்பேன்னு கூட படிச்ச எனக்கு தெரியாதா என்றாராம்!
ஹலோ நாங்கள் எல்லாம் தெளிவா இருக்கிறோம். வீட்டில 2 டிக்கசனரி வாங்கி இருக்கிறேன்.
ஒன்னு LIFCO
இன்னொன்னு OXFORD.

இப்ப கேளு எந்த வார்த்தைக்கு அர்த்தம் வேணும்ன்னு.

கடினமான ஆங்கில வார்த்தைக்கு OXFORD மத்தெதுக்கெல்லாம் LIFCO எப்புடி
டிக்சனெரி போல தான் டேலி புக்கும் உங்களுக்கு எப்போதாவது சந்தேகம் வந்தால் புக்கை படித்து தெளிவுபடுத்தி கொள்ளலாம்.
சுருக்கமா சொன்னா ரிபரென்ஸ் புத்தகமா தான் பயன்படுத்த முடியும்.


Tally ERP9

டேலி எங்கே படிக்கலாம் ?!

டேலி எங்கே படிக்கலாம்..?!
சில நாட்களுக்கு முன்பு நண்பருடைய அலுவலகத்திற்கு போயிருந்தேன்.

அது ஒரு டாக்ஸ் கன்சல்டன்ட் அலுவலகம்.

அந்த அலுவலகத்திற்கு ஒரு பெண் டேலி ஆபரேட்டர் தேவை என நாளிதழில் விளம்பரம் செய்த அனுபவத்தை கூறினார்.

அந்த ஞாயிற்றுகிழமை விளம்பரம் தேவை பகுதியில் பார்த்து ஏராளமான பெண்கள் தொலைபேசி மூலம் தொடர்பு கொண்டுள்ளனர்.

நண்பர் விளம்பரத்தில் அந்த பகுதியில் வசிக்கும் கணக்கு எழுத தெரிந்த டேலி மென்பொருளை இயக்க தெரிந்த பெண் தேவை என தெளிவாக விளம்பரம் கொடுத்திருந்தார்.

நேர்முக தேர்விற்கு வந்த பெண்கள் அனைவரும் குறைந்தபட்சம் 7000 ரூபாய் சம்பளத்தை கேட்டிருக்கிறார்கள்.

பெரும்பாலும் அனைவரும் பல்வேறு கடைகளில் விற்பனை பிரிவில் வேலை செய்த அனுபவம் பெற்றிருந்தனர்.

ஆனால் டேலி கோர்சை
CSC-யில் படித்தேன்.

APPOLO-வில் படித்தேன்.

மக்கள் கல்வி இயக்கத்தில் படித்தேன் என்று சொன்னார்களாம்!

சரி , அப்போ டேலி உங்களுக்கு அத்துபடி தானே என்று கேட்ட போது தான் வில்லங்கமே ஆரம்பமானது!
நேர்முக தேர்வுக்கு வந்தவர்களெல்லாம் எங்களுக்கு டேலி தெரியும்.ஆனால் பில் புக் பர்சேஸ் பைல் வைத்து எப்படி என்ட்ரி போடுவதென்று ஒரு நாள் சொல்லிக் கொடுங்கள்.அதை வைத்து நாங்கள் பிக்அப் செய்து கொள்கிறோம் என்று கூறியிருக்கிறார்கள்.
காரணம் கேட்ட போது நீங்க டேலி 9 சாப்ட்வேர் வச்சிருக்கீங்க .நாங்க படிச்சது டேலி 6.3 என்று ஒருவரும் நான் டேலி 7.2 படிச்சேன்னும் சொல்லியிருக்காங்க.
வேலை தேடி நேர்முக தேர்விற்கு வந்தவர்கள் என்ட்ரி போட சொல்லி கொடுங்கள் என்பதை கேட்டதும் நண்பர் அரண்டு விட்டார்!

Tax

Tally.ERP9

Feedback:

மெடிகல் ஷாப் பில்லிங்

நீங்கள் எந்த மருந்து கடைக்கு சென்று மருந்து வாங்கினாலும் கம்பியூட்டர் பில் தானே தருகிறார்கள். தற்போது பெரும்பான்மையான மருந்து கடைகளில் குறிப்பிட்ட சில சாப்ட்வேர்களை உபயோகிக்கிறார்கள்.
இந்த சாப்ட்வேர்களைத் தான் சில்லறை மருந்து வியாபாரிகள் RETAILER நம்பியுள்ளனர்.

முக்கிய காரணம் நீங்கள் டாக்டர் எழுதி தரும் மருந்து சீட்டை மருந்து கடையில் கொடுத்தால் கடைக்காரர் மருந்து இருக்கும் ரேக்கை பார்க்க மாட்டார். முதலில் கம்பியூட்டரில் என்டர் செய்து சீட்டிலுள்ள அந்த மருந்து இருக்கிறதா என்றும் என்ன விலை என்றும் சொல்லி விடுவார்.

இது எப்படி முடிகிறது..? ஆர்டர் செய்த மருந்தோ மாத்திரையோ கடைக்கு வந்தவுடன் கம்பியூட்டரில் அந்த மருந்து பற்றிய தகவல்களை ஏற்றிவிடுவார்கள்.

ஒவ்வொரு மருந்தின் பெயர் பேட்ச் நம்பர் எக்ஸ்பியரி தேதி அந்த மருந்தை சப்ளை செய்த வியாபாரி பெயர் அவருடைய விற்பனைவரி டின் நம்பர் வாட் வரி பில் நம்பர் மருந்தின் அடக்க விலை விற்பனை செய்யும் விலை ஆகிய மொத்த விபரங்களையும் கம்பியூட்டரில் என்டிரி செய்து வைத்திருப்பார்.
அதனால் கடைக்காரர் தேடும் எந்த தகவலும் எளிதில் கிடைக்கும்.
மருந்து பொருட்களை கையாள்வதற்கு ஏதுவாக அமையும்.

ரெமிடி போன்ற சாப்ட்வேர்கள் ஏராளமாய் உள்ளன.

டேலி 9 ERP மூலம் மெடிகல் கடைக்கு மட்டுமல்ல எல்லாவித வியாபார கணக்குகளையும் நிர்வகிக்கலாம்.

ரிபோர்ட்ஸ் வகை

அருண் என்பவர் 5 லட்சம் முதலீடு செய்து வீட்டு உபயோக பொ
ருள் கடையை துவங்குகிறார்.
1 லட்சம் அட்வான்ஸ் கொடுத்து மாதம் பத்தாயிரம் வாடகைக்கு கடையை பிடிக்கிறார்.
பின்பு கடைக்கு தேவையான தளவாட சாமான்களை 50,000 ரூபாய்க்கும், விற்பனைக்கு தேவையான டி.வி, பிரிட்ஜ், வாஷிங் மெஷின் போன்ற பொருட்களை 3 லட்சம் ரூபாய்க்கும் வாங்குகிறார்.

வருட முடிவில் அருணுக்கு கீழ்கண்ட ரிபோர்ட் தேவைப்படும்.
பேங்க் பேலன்ஸ்
கையிருப்பு தொகை
லாபம்
மற்றவர்களுக்கு அருண் தர வேண்டிய தொகை.
மற்றவர்களிடம் இருந்து அருணுக்கு வர வேண்டிய தொகை.
மேற்கண்ட ரிபோர்ட்டை வருட முடிவில் மட்டுமல்ல காலாண்டுக்கு ஒருமுறையோ
அரையாண்டுக்கு ஒரு முறையோ ஏன் தேவைக்கேற்ப தினமும் கூட Tally மென்பொருள் மூலம் பெறலாம்.

அதுமட்டுமல்ல Trial balance, Trading profit & loss, Balance sheet, stock report ஆகிய ரிபோர்ட்களும் தேவைப்படும்.
ஸ்டாக்கில் எத்தனை டிவி எத்தனை பிரிட்ஜ் போன்றவையும் T.V என்றால் SONY-யில் எத்தனை SAMSUNG-ல் எத்தனை போன்ற ரிபோர்ட்டும் தேவைப்படும்.

இந்த கணக்கை நோட்புக்கில் எழுதி சரிபார்ப்பதை விட Tally மென்பொருளில் சரிபார்பதே எளிதாகும். காரணம் நேரத்தை வீணடிக்காமல் தெளிவான ரிபோர்ட்டை விரைவில் பெறலாம்.

டேலி படி வேலை ரெடி

"டேலி படி வேலை ரெடி"

தற்போது நீங்க துணிக்கடையோ டிபார்ட்மென்ட் ஸ்டோரோ அல்லது ஹோட்டலோ எங்கு போனாலும் கம்பியூட்டர் பில் தருவார்கள்.
இது பில்லிங் சாப்ட்வேர் மூலம் பெறபடுகிறது.
பில்லிங் சாப்ட்வேர் மூலம்
அன்றைய ஸ்டாக், VAT தொகை, கையிருப்பு தொகை, பொருள்களின் விலைவிபரம் மட்டும் தான் பெறமுடியும்.
ஆனால் Tally ஒரு எளிமையான கணக்கியல் மென்பொருள். Tally என்பது ஒரு ALL IN ONE சாப்ட்வேர். இந்த சாப்ட்வேர் மூலம் உங்கள் கடையின் கணக்கு சம்பந்தமான எந்த ஒரு தகவலையும் ஆதி முதல் அந்தம் வரை புள்ளிவிவரமாக பெறலாம்.

சிறிய நிறுவனமோ பெரிய கடையோ எந்த கணக்கும் நீங்கள் கேட்கும் தகவல் A to Z எளிதில் பெறலாம்.
Tally சாப்ட்வேர் User friendly ஆக இருப்பதால் அனைவரும் எளிதில் கையாளலாம்.

ஞாயிற்றுகிழமையில் தினத்தந்தி, HINDU போன்ற நாளிதழ்களை பார்த்தால் Tally Operator தேவை என ஏராளமான வரி விளம்பரங்கள் வெளியாயிருக்கும்.


ஆதலினால் Tally கற்பீர். வாழ்வில் உயர்வீர்
டேலியில் உங்கள் கணக்கு சம்பந்தமா எதுவும் பண்ணலாம். எல்லாம் எளிது.

VAT-வாட்- மதிப்பு கூட்டு வரி

மதிப்பு கூட்டு வரி
சில ஆண்டுகளுக்கு முன்னால் தமிழகமெங்கும் பாண்டிச்சேரி ரிஜிஸ்டிரேசன் எண்ணுள்ள அம்பாசிடர் கார்கள் தான் நிறைய தென்படும். காரணம் அனைத்து பொருள்களுக்கும் தமிழகத்தை விட பாண்டிச்சேரியில் விற்பனைவரி குறைவு. அதனால் தான் டி.வி முதல் கார் வரை அனைத்தையும் பாண்டிச்சேரியில் தான் வாங்கினார்கள். ஒரு பொருளை தமிழ்நாட்டில் விற்பனை வரி செலுத்தி வாங்குவதை காட்டிலும் அப்பொருளை பாண்டிச்சேரியில் வரி செலுத்தி வாங்குவது மிகுந்த லாபம் தந்தது. அதன்பின்பு தான் எந்த மாநிலத்தில் வாகனத்தை வரி செலுத்தி வாங்கினாலும் அந்த வாகனத்தை தமிழ்நாட்டுக்கு கொண்டுவரும் போது நுழைவுவரி ENTRY TAX கட்ட வேண்டும் என சட்டம் அமல்படுத்தபட்டது.
காரணம் எலெக்ட்ரானிக் பொருளுக்கு தமிழ்நாட்டில் 16 சதவீத வரி இருக்கும். பாண்டிச்சேரியில் அதே பொருளுக்கு 2 சதவீத வரி தான் இருக்கும். இப்படி அடுத்தடுத்த மாநிலங்களிலேயே வரி மாறுபாடுகள் இருந்ததால் வரி ஏய்ப்புகள் நடக்க வாய்ப்புகள் ஏற்பட்டது.
இதற்காக தான் மத்திய அரசு எந்த பொருளை எந்த மாநிலத்தில் வாங்கினாலும் ஒரே மாதிரியான வரிவிதிப்பை UNIFORM TAX RATE கொண்டுவர எண்ணியது.
இதன் காரணமாக உலகின் பல்வேறு நாடுகளில் நடைமுறையிலுள்ள
Value Added Tax எனப்படும் VAT மதிப்புக்கூட்டு வரி முறை இந்தியாவெங்கும் படிப்படியாக அறிமுகம் செய்யப்பட்டது.

டேலி பதிப்புகள் TALLY VERSIONS

எந்த ஒரு மென்பொருளும் அதை வாங்கி உபயோகிக்கும் பயன்பாட்டாளரின் அன்றாட தேவைக்கேற்ப அந்த மென்பொருளை புதிய வசதிகளுடன் மேம்படுத்தி அவ்வப்போது வெளியிட வேண்டும். இல்லையென்றால் அந்த மென்பொருளை வாங்கி உபயோகிப்பவர் தனக்கு தேவைப்படும் புதிய வசதிக்காக வேறு ஒரு மென்பொருளை தேடிச் செல்வார்.
இதற்காகத் தான் மென்பொருள் தயாரிப்பாளர்கள் அவ்வப்போது புது பதிப்புகள் VERSIONS வெளியிடுவது வழக்கம்.
பிரபல இயங்குதள மென்பொருள் OPERATING SOFTWARE மைக்ரோசாப்டின் விண்டோஸ் கூட அவ்வப்போது புதிய VERSION பதிப்புகளை வெளியிட்டு வருகிறது.

WINDOWS 95 ,98 , XP, VISTA என பல பதிப்புகளை வெளியிட்ட மைக்ரோசாப்ட் தற்போது விண்டோஸ் 7 என்ற பதிப்பை வெளியிட்டுள்ளது.
TALLY நிறுவனமும் அதே போல் பல்வேறு பதிப்புகளை வெளியிட்டுள்ளது.
TALLY 4.5
TALLY 5.4
TALLY 6.3
TALLY 7.2
TALLY 8.1
TALLY 9.0
போன்ற பதிப்புகளை வெளியிட்ட
TALLY நிறுவனம் தற்போது
TALLY 9.erp என்ற புதிய பதிப்பை வெளியிட்டுள்ளது.