இப்ப எல்லாம் ஆபர் , தள்ளுபடி என ஏதாவது ஒன்றை அறிவித்தால் தான் மக்களிடம் அந்த பொருள் வேகமாக சென்றடைகிறது. இது மக்களுக்கு மட்டுமல்ல வியாபாரிகளுக்கும் தான். பொதுவா பார்த்தீங்கன்னா வியாபாரிகளுக்கு ஒரு ஸ்கீம் கிடைக்கும். அதாவது 12 ( 1 டஜன் ) சோப் வாங்கி விற்றால் ஒரு சோப் இலவசம். அரை கிலோ பருப்பு பாக்கெட் 100 வாங்கினா 5 பாக்கெட் இலவசம் . இது போன்ற சலுகைகளை தந்து தங்களது வியாபாரத்தை பெருக்கி கொள்ள நினைப்பார்கள் . காரணம் எந்த ஒரு பொருளையும் மக்களிடையே சென்று சேர்க்க விளம்பரபடுத்துவது எவ்வளவு முக்கியமோ அந்த அளவு அப்பொருளை ஆபர் மற்றும் ஸ்கீம் போன்ற சலுகைகளை வியாபாரிகளுக்கு தந்தால் தான் வியாபாரத்தை பெருக்கி கொள்ளமுடியும்.இது ஒரு வியாபார டிரிக்ஸ்.
