டேலி வெர்சன்கள் கடந்து வந்த பாதை

  டேலி (Tally ) வெர்சன் மாற்றம்

டேலி பிரைம்  (  Tally Prime )

 டேலி (Tally )  என்பது ஒரே மென்பொருள் தான்.

ஆனால் 4.5ல் இருந்த டேலி வெர்சன் 

5.4 ஆக மாறியது.பின்பு  5.4 ல் இருந்து டேலியின் அடுத்த வெர்சன். ( VERSION )

 6.3.

அடுத்தது 7.2.இப்படி டேலி யின் வெர்சன்கள் மாறி மாறி தற்போது  டேலி பிரைம் ( Tally Prime )  என்ற புதிய வெர்சன் அறிமுகமாகிறது.

இப்படி வெர்சன்கள் மாறி வருவது எதனால்.

ஒன்றுமில்லை பாஸ்.

 வரி அமைப்பில் பெரிய  மாற்றம் ஏற்படும் போது நாம் டேலியில் பதிவிட  சில நடைமுறை மாற்றங்கள் தேவைப்படும். அப்போது புதிய வெர்சன்கள் ( Version ) வெளியாகும். அதே போல் வரி அமைப்பில் ஏற்படும் சிறிய மாற்றங்கள்  அடிக்கடி நிகழும்.

அதற்காக டேலி நிறுவனம்

 ரிலீஸ் ( Release ) என்பதை அவ்வப்போது  ஏற்படும்  தேவைக்கேற்ப  வெளியிடும்.

தற்போதைய டேலி ஈ.ஆர் பி 9 வெர்சனின் லேடஸ்ட் ரிலீஸ் 6.6.3

டேலி  (Tally ) நிறுவனம் அவ்வப்போது வெளியிடும்   வெர்சனும் , ரிலீசும் 

டேலி ( Tally )  மென்பொருளின்  மேம்படுத்தபட்ட பரிணாம வளர்ச்சி.

நடைமுறை யில் ஏற்படும் நடைமுறை மாற்றங்களுக்கு ஏற்ப டேலி மென்பொருளும் தன்னை புதுப்பித்து கொண்டே வருகிறது.

டேலி மென்பொருளின் மாற்றங்கள் தான் நம்மை அடுத்த கட்டத்திற்கு எடுத்துச் செல்கிறது.

உதாரணத்திற்கு ஹோண்டா ஆக்டிவா வண்டியை சாலையில் அதிகம் பார்த்திருப்பீர்கள்.இந்த பைக்கை ஆண்களும் , பெண்களும் எளிதில் பயன்படுத்துகிறார்கள். காரணம் User Friendly. . பயன்படுத்த எளிதாக உள்ளது.

ஹோண்டா நிறுவனம் ஹோண்டா ஆக்டிவா 6 ஜி 

( Honda Activa 6G )  என்ற புதிய வெர்சன் பைக்கை தற்போது வெளியிட்டு உள்ளது. 

ஆரம்பத்தில் ஹோண்டா ஆக்டிவா வாக அறிமுகமான பைக் 3G, 4G, 5G,  என வரிசையாக வெர்சன்கள் மாறி  தற்போது  ஹோண்டா ஆக்டிவா 6G ஆக சாலையில் வலம் வருகிறது.

யோசித்துப் பாருங்கள்.

வெர்சசன்கள் அடிக்கடி மாறுவது எதனால் என்று. 

 புதிய வசதிகள். புதிய வடிவமைப்பு. என்பது போன்ற கூடுதல் வசதிகளை பயன்பாட்டாளர்களுக்கு தருவதற்காக தான்.

தற்போதைய  அவசியத்திற்காக PS6 என்பதை கூடுதலாக இணைத்து வெளியாகி உள்ளது.வெறும் வெர்சனின் பெயர் மட்டும் மாறினால்  போதாது.விற்பனையில் நம்பர் ஒன்னாக இருக்க புதிய வசதி மாற்றங்களை அவ்வப்போது  தர வேண்டும்.

டிஜிட்டல் ஸ்பீடா மீட்டர். 

செல்போன் சார்ஜ் வசதி , பெட்ரோல் போட பின்புறம் வசதி, PS தொழில்நுட்பம்

இப்படி புதுப்புது வசதிகள் காலத்தின் தேவைக்கேற்ப  பயனாளர்களுக்கு தருவதற்காக  தான் வெர்சன்கள் மாறுகின்றன.

டேலி மென்பொருள் எளிமை புதுமை பயன்படுத்த எளிதானது என்பது அனைவருக்கும் தெரியும்.ஆனால் டேலி யின் வெர்சன்கள் மாறி வரும்  புதுமை. ஏன் என்பது இப்போது புரிந்திருக்கும்.

டேலி யின் வெர்சன்கள் கடந்து வந்த பாதை....

டேலி 4.5 ( Tally 4.5 )

டேலி 5.4 ( Tally 5.4 )

டேலி 6.3 ( Tally 6.3 )

டேலி 7.2 ( Tally 7.2 )

டேலி 8.1 ( Tally 8.1 )

டேலி 9  ( Tally 9 )

டேலி ஈ.ஆர்.பி 9 ( Tally.ERP 9 )

தற்போது

9.11.2020 அன்று 

டேலி பிரைம் ( TALLY PRIME )

ஒரே டேலி (  Tally )

வெவ்வேறு வெர்சன்கள் ( version )

அவ்வப்போது புதுப்புது  ரிலீஸ்கள்

இது தான் டேலி யின் பரிணாம வளர்ச்சி

டேலி யின் புதிய மாற்றம்

நம் வணிகத்தின் முன்னேற்றம்

நாளொரு மேனியும் பொழுதொரு வண்ணமும் டேலி தரும் மாற்றங்களை பயன்படுத்தி  வணிகத்தை பெருக்கி வளர்ச்சியடைவோம்.

என்றும் அன்புடன்

டேலி ராஜா

ஐ எம் வெயிட்டிங் தீபாவளி ரிலீஸ்

 நீங்கள் ஆவலோடு காத்திருந்த தீபாவளி  ரிலிஸ் தேதி அறிவிக்கப்பட்டது.

ஆம் நண்பர்களே... 

தீபாவளிக்கு பட ரிலீஸ் திரையரங்கிலா அல்லது ஓடிடி தளத்திலா என விவாதம் நடக்கிறது.

இது ஒருபுறம் இருக்க

தீபாவளிக்கு ரிலீஸ்  ஆகப் போவது

விஜய் நடித்த மாஸ்டர் படமா

ரஜினி நடித்த அண்ணாத்த படமா

அதெல்லாம் ஒன்றுமில்லை பாஸ்.

டேலி ( TALLY ) நிறுவனத்தின் புதிய பதிப்பான டேலி பிரைம் ( TALLY PRIME ) நவம்பர் ஒன்பதாம் தேதி மதியம் வெளியாகப் போவதாக அறிவித்துள்ளார்கள்.

டேலி பிரைம் (TALLY PRIME )  வெர்சன் வெளியானதும்

தற்போது நீங்கள் பயன்படுத்தி வரும்  டேலி ஈ ஆர்பி9 ( Tally.ERP9 ) மென்பொருளை அப்படியே டேலி பிரைம் 

( TALLY PRIME )  வெர்சனுக்கு மாறி விட முடியுமா என்று கேட்பது தெரிகிறது

அதற்கு  முன் ஒரு செக் லிஸ்ட் உள்ளது. அதை கொஞ்சம் சரி பார்த்து கொள்ளுங்கள்.

முதலாவது தற்போது நீங்கள் பயன்படுத்தி வரும் டேலி மென்பொருளின் TSS லைசென்ஸ் நடைமுறை தேதியில் உள்ளதா என சரி பாருங்கள். TSS லைசென்ஸ்  நடைமுறையில் இல்லையென்றால் உடனே ரினிவல் செய்யுங்கள்.அப்போது தான் புது வெர்சனுக்கு மாற முடியும்.

அது மட்டுமல்ல நீங்கள் உபயோகப்படுத்தும் கம்பியூட்டர் விண்டோஸ் 7  அல்லது அதற்கு மேற்பட்ட விண்டோஸ் 10 வெர்சனாகவோ இருக்க வேண்டும். எல்லாம் சரியாக இருக்கிறது.

என்னுடைய கம்பியூட்டர் செயல்பாடு 32 பிட்டாக உள்ளது. இப்போது டேலி பிரைமுக்கு மாற முடியுமா என கேட்கிறீர்களா....

வாய்ப்பில்லை ராசா....

நன்றாக  நினைவில் வைத்து கொள்ளுங்கள்.உங்களது கம்பியூட்டர்

விண்டோஸ் 7 அல்லது அதற்கு மேற்பட்ட வெர்சனாக இருக்க வேண்டும்.

64 பிட் டில் இயங்குதளம் இருக்க வேண்டும்.

குறிப்பாக

தற்போது நீங்கள் பயன்படுத்தி வரும் டேலி மென்பொருளின் TSS நடைமுறையில் இருக்க வேண்டும்.

அவ்வளவுதான் நண்பர்களே

இந்த மூன்று விசயங்களையும் சரியாக வைத்து கொண்டால் நீங்கள்

டேலி யின் டேலி பிரைம் வெர்சனை இயக்க தயாராகி விட்டீர்கள்..

என்றும் அன்புடன்

Tally Raja

டேலி ராஜா

டேலி ( TALLY ) தீபாவளி

 டேலி ( TALLY) தீபாவளி

டேலி பிரைம் ( TALLY PRIME )

இந்த ஆண்டு டேலி மென்பொருளை பயன்படுத்தும்  வணிகர்களுக்கும் வரி பயிற்சியாளர்களுக்கும் அதிரடி 

சரவெடி தீபாவளியாக அமையப் போகிறது..

தீபாவளி பண்டிகை வந்தாலே

ஸ்வீட்ஸ், பலகாரம்,

புத்தாடைகள்

பட்டாசு வெடிகள்

இவை தானே முக்கியம்.

தீபாவளிக்கும் 

டேலி ( TALLY)  மென்பொருளுக்கும் என்ன சம்பந்தம் என்று கேட்கிறீர்களா...

இருக்குங்க...

உலகம் விரும்பும் உன்னதமான கணக்கியல் மென்பொருள் டேலி என்பது அனைவரும் அறிந்ததே..

வணிகர்கள், வரி ஆலோசகர்கள் , ஆடிட்டர்கள் என அனைவருக்கும் வியாபார  கணக்கை நிர்வகிக்கவும் , வரி தாக்கல் செய்யவும்  நிழல் போல தொடரும் பந்தம் தான் டேலி கணக்கியல் மென்பொருள்.

இந்த உலகில் மாற்றம் ஒன்றே மாறாதது.

வரிச் சட்டடங்கள்

TNGST

VAT

GST

என காலப்போக்கில் மாறினாலும்

டேலி மென்பொருளும் காலத்திற்கேற்ப தன்னை புதுப்பித்து கொண்டே வருகிறது.

ஜி எஸ் டி (GST ) என்ற சரக்கு சேவை வரிச் சட்டம்  2007ல் அறிமுகமானது முதல்  தினம்தினம் புதுப்புது மாற்றங்களை நாம் பார்த்து வருகிறோம்.

அக்டோபர் மாதம் கூட

 டி.சி.எஸ்(TCS),  ஈ இன்வாய்ஸ் (E INVOICE)  என 

ஜி.எஸ்.டி (GST ) யில் மாற்றம் வந்தது.

இப்படி 

ஜி.எஸ் டியில் எத்தனை மாற்றங்கள் வந்தாலும் வரி பயிற்சியாளர்களும்

வணிகர்களும் சொல்லும் ஒரே வார்த்தை.

டேலி இருக்க பயமேன்

என்பது தான்...

ஜி.எஸ்‌.டி ( GST ) ல் மட்டுமல்ல

டேலி ( TALLY )  மென்பொருளிலும் தற்போது மாற்றம் வருகிறது.

ஆம் நண்பர்களே

டேலி (TALLY ) மென்பொருளில் ,

4.5

5.4

6.3

7.2

8.1

9

டேலி ஈ.ஆர்பி 9( Tally.ERP9 )

என பல பதிப்புகள் ( VERSION)  வந்துள்ளன.

அதில் நாம் தற்போது

டேலி ஈ.ஆர்.பி 9

  ( TALLY.ERP9 ) என்ற பதிப்பைத் தான் பயன்படுத்தி வருகிறோம்.இந்த பதிப்பு வெளிவந்து ஏறத்தாழ 10 ஆண்டுகள் ஆகிறது. 

மாறி வரும் வணிக சூழ்நிலைக்கேற்ப

வரி மாற்றத்திற்கேற்ப 

கணக்கு பதிவையும்

வரி தாக்கலையும்  எளிதாக்க

 டேலி (TALLY )  நிறுவனம் தனது மென்பொருளை மேம்படுத்தி புதிய வடிவமைப்புடன் , புதிய வண்ணத்துடன்  ஏராளமான புதிய வசதிகளை தாங்கி டேலி பிரைம் ( TALLY PRIME ) என்ற பெயரில் புதிய பதிப்பை (VERSiON)

 வெளியிட உள்ளது.

டேலி என்றாலே எளிமை  புதுமை தானே ...

 இந்த தீபாவளிக்கு  டேலி நிறுவனம்  டேலி ஈ ஆர்  பி (Tally.ERP9,) யிலிருந்து 

அடுத்த கட்டத்திற்கு உங்களை அழைத்துச்  செல்ல இருக்கும் புதிய பதிப்பு தான் (TALLY PRIME)

டேலி பிரைம். 

என்ன வரிபயிற்சியாளர்களே...

டேலி நிறுவனத்தின்

புதிய பதிப்பான

டேலி பிரைம் ( TALLY PRIME ) தரப் போகும்  புதிய 

  அனுபவத்தை  வரவேற்கத் தயாராகி விட்டீர்களா...

என்றும் அன்புடன்

டேலி (TALLY )  ராஜா

சும்மா கிழி .....2020

 சும்மா கிழி

20  20.

ஐ.பி.எல் மேட்சானு கேட்காதீங்க.

2020  புத்தாண்டு பிறந்தவுடன் பல ஆருடங்களை கூறினார்கள். ஆனால் நடந்தது என்ன..?

ஏறத்தாழ இந்த ஆண்டே முடியப் போகிறது.

இந்த ஆண்டின் காலண்டர் கூட வேகமாக கரைந்து போனது. 

நாட்கள் சும்மா கடந்து போனாலும் நடைமுறை வாழ்க்கை பலருக்கும் தடுமாற்றமாகவே அமைந்தது..

கொரொனா வகையைச் சேர்ந்த கோவிட் 19 வைரஸ் ஒட்டு மொத்த உலகையே புரட்டி போட்டு விட்டது.

உலக நாடுகள் விமான சேவையை நிறுத்தியதால் அனைத்து நாடுகளும் தற்போது தனித்தனி தீவாக உள்ளது.

இணையம் மட்டுமே இன்று உலகை இயக்க முக்கிய பங்கு வகிக்கிறது. நவீன உலகம் இன்று இணைய உலகமாக மாறி இயங்கி கொண்டிருக்கிறது.

பள்ளி,கல்லூரிகள் திறக்காததால் மாணவர்கள் இணையம் மூலம் ஆன்லைன் வகுப்பில் படிக்கிறார்கள்.

கணினி மென்பொறியாளர்கள் வீட்டிலிருந்தே  தங்கள் பணிகளை செய்து கொண்டிருக்கிறார்கள்.

நடுத்தர வருமான குடும்பங்களின் வாழ்க்கையே தலைகீழாய் மாறிப்போனது.

கீழ்த்தட்டு வருமான குடும்பங்களின் வாழ்க்கையோ மிகவும் பாதிப்படைந்தது.

2020

நமக்கு கற்றுத் தந்த பாடம்..

லாக்டவுன்

144

ஊரடங்கு

போக்குவரத்து முடக்கம்

ஈ பாஸ்

ரேபிட் டெஸ்ட்

தனிமைப்படுத்தும்

குவாரைண்டன்

சமூக இடைவெளி

முக கவசம்

சானிடைசர்

மார்ச் 24ல்  ஊரடங்கில் துவங்கிய  வாழ்க்கை முறை இன்னமும் தொடர்கிறது.

கொரொனா வுடன்

 போராட துவங்கிய மக்கள் இன்று 

கொரொனாவுடன் வாழ பழகி கொண்டார்கள்.

திசைமாறி போன நடைமுறை வாழ்க்கை வணிகர்களை வெகுவாக பாதித்தது.

இந்த ஆண்டு ஏப்ரல் முதல் நாள்

 புதுக் கணக்கு பூஜை போடாமலே  

வணிகர்களுக்கு போராட்டமாய் துவங்கியது.

இதுவரை நடந்தது கசந்தவையாகவே  இருக்கட்டும்.

இனி

2021 என்னும்  நாளைய விடியல் இனிதாய் துவங்க இன்னும் இரண்டு மாதங்களே உள்ளன..

கடந்து போன காலங்கள் கசந்த காலங்களாக இருந்தாலும்

வருங்காலம் (2021)

அனைவருக்கும்

வசந்த காலமாய் அமையும் 

என்ற நம்பிக்கையுடன்

உங்கள் 

டேலி ராஜா...

வணிகர் நலவாரிய தொகுதி நிதி ரூ.10 கோடியாக உயர்த்தப்படும்: ஜெயலலிதா அறிவிப்பு

வணிகர் நலவாரிய தொகுதி நிதி ரூ.10 கோடியாக உயர்த்தப்படும்: ஜெயலலிதா அறிவிப்பு       

சட்டசபையில் முதல்-அமைச்சர் ஜெயலலிதா இன்று 110-வது விதியின் கீழ் அறிக்கை படித்தார். அதில் கூறியிருப்பதாவது:-

1. வணிகர்களின் நலனுக்காக குடும்பநல உதவி, மருத்துவ உதவி, கல்வி உதவி போன்ற பல்வேறு நலத்திட்டங்கள் தமிழ்நாடு வணிகர் நல வாரியம் மூலம் செயல்படுத்தப்பட்டு வருகின்றன. தமிழ்நாடு மதிப்புக் கூட்டு வரிச் சட்டத்தின் கீழ் பதிவு பெறாமல், உள்ளாட்சி அமைப்புகளிடம் உரிமம் பெற்று வணிகம் செய்யும் சிறு வணிகர்களும் வணிகர் நல வாரியத்தில் உறுப்பினர்களாகச் சேர்க்கப்பட்டுள்ளனர்.

இந்த வாரியத்தின் தொகுப்பு நிதி 2012ஆம் ஆண்டில் 2 கோடி ரூபாயிலிருந்து 5 கோடி ரூபாயாக உயர்த்தப்பட்டது. அதன் மூலம் கிடைக்கும் வட்டித் தொகை மூலம் நலத்திட்டங்கள் செயல்படுத்தப்பட்டு வருகின்றன.

எங்களது தேர்தல் அறிக்கையில் ‘வணிகர் நலனுக்கு அரசு வழங்கும் தொகுப்பு நிதி 5 கோடி ரூபாயிலிருந்து 10 கோடி ரூபாயாக உயர்த்தப்படும்’ என்ற வாக்குறுதி அளிக்கப்பட்டிருந்தது.

அதனை நடைமுறைப்படுத்தும் வகையில், வணிகர் நல வாரியத்தின் தொகுப்பு நிதி 5 கோடி ரூபாயிலிருந்து 10 கோடி ரூபாயாக உயர்த்தப்படும். இதன் மூலம் இவ்வாரியத்தில் உறுப்பினராக உள்ள வணிகர்கள் பயன்பெறுவர்.

2. வணிக வரித் துறையின் அனைத்து சேவைகளும் கணினிமயமாக்கப்பட்டு, “இ-சி டாக்ஸ்” என்ற புதிய மென்பொருள் தற்பொழுது பயன்பாட்டில் உள்ளது. கணினி வசதி இல்லாத சிறு வணிகர்கள் மற்றும் சரக்கு எடுத்துச் செல்வோர் தங்களது மாதாந்திர நமூனாக்களை பதிவேற்றம் செய்வதிலும், எடுத்து செல்லும் பொருட்களுக்கான படிவங்களை கணினி மூலம் பூர்த்தி செய்து அளிப்பதிலும் உள்ள சிரமங்களைக் களையும் வகையில், வணிகர்கள் தங்களது மாதாந்திர நமூனாக்களை கணினியில் பதிவேற்றம் செய்ய உதவியாக, 228 வணிக வரி அலுவலகங்களில் உதவி மையம் ஏற்படுத்தப்படும். இச்சேவைக்கு என வணிகர்களிடம் இருந்து எவ்வித கட்டணமும் வசூலிக்கப்பட மாட்டாது.

மேலும், வணிக வரித்துறையின் புதிய இணையதள சேவைக்கு பதிவு செய்தல், புதிய பதிவுச்சான்று பெறுதல்; வங்கிகளில் வரி செலுத்துவதற்குரிய மின் செலுத்துகைச் சீட்டினை பதிவிறக்கம் செய்தல் மற்றும் துறையின் படிவங்களை பதிவிறக்கம் செய்தல் போன்ற சேவைகளை தமிழ் நாடு அரசு கேபிள் நிறுவனத்தால் நிர்வகிக்கப்பட்டு வருகின்ற 486 அரசு மின்சேவை மையங்கள் மூலம், உரிய கட்டணங்கள் செலுத்தி பெறுவதற்கு வழிவகை செய்யப்படும்.

3. பணியாளர்கள் மற்றும் வணிகர்களுக்கு கூடுதல் வசதி செய்திடவும், பணி செய்வதற்கு உகந்த சூழ்நிலையை உருவாக்கிடவும், சொந்த கட்டடங்கள் தேவை என்பதைக் கருத்திற் கொண்டு, கடந்த 5 ஆண்டுகளில் 64 அலுவலகங்களை உள்ளடக்கிய 33 கட்டடங்கள் கட்டப்பட்டுள்ளன.

இந்த ஆண்டு கிருஷ்ணகிரி, நாமக்கல் மற்றும் பழனி ஆகிய 3 இடங்களிலும் 6 கோடியே 77 லட்சம் ரூபாய் செலவில், 9 வணிகவரி அலுவலகங்களை உள்ளடக்கிய ஒருங்கிணைந்த வணிக வரிக்கட்டடங்கள் கட்டப்படும்.

E- C TAX வணிகர்கள் எளிதாக மதிப்பு கூட்டு வரியை கட்ட அரசு ஏற்பாடு வணிகவரித்துறை அறிவிப்பு

                                          Total Solution Project (TSP)

                                                                          e - C TAX

தமிழ்நாட்டில் வரி வருவாயில் வணிகவரித்துறையின் பங்கு மிகவும் முக்கியமானது. இந்த துறையில் மதிப்பு கூட்டு வரி (வாட்வரி ) அறிமுகப்படுத்தப்பட்டு ஒவ்வொரு வருடமும் வரி வருவாய் உயர்ந்து வருகிறது. வரி செலுத்தும் வணிகர்களுக்கு படிவம்(நமூனாக்கள் ) தாக்கல் செய்வதிலும் அது தொடர்பான படிவங்கள் பெறுவதிலும் உள்ள நடைமுறைகளை எளிதாக்கும் வகையில் முதல்-அமைச்சர் ஜெயலலிதா கடந்த ஜனவரி மாதம் 29-ந்தேதி டிஎஸ்பி ( T S P ) என்ற புதிய சேவையை தொடங்கி வைத்தார்.

இந்த புதிய சேவையில் ஜேஜே ( FORM JJ ) போன்ற படிவங்களை வணிகர்கள் தங்களது நிறுவனங்களில் இருந்த படியே எந்தவித சிரமமும் இல்லாமல் பதிவிறக்கம் செய்து பயன் பெற்று வருகிறார்கள்.

வணிகர்களது வாணிப நடவடிக்கைகள் தொடர்பான விவரங்களை இந்த மாதம்(JULY 2016 முதல்   ( JUNE 2016 RETURN ) இந்த புதிய சேவையை பயன்படுத்தி விவரங்களை தாக்கல் செய்ய வேண்டும்.

எனவே புதிய மென்பொருளில் வணிகர்கள் https://ctd.tn.gov.in/home என்ற இணையதளத்தில் உடனடியாக தங்களது வணிகம் தொடர்பான பதிவுகளை பதிவு செய்திட வேண்டும். இந்த புதிய மென் பொருளில் படிவங்களை தாக்கல் செய்வதால் வணிகர்கள் தங்களுக்கு உரிய படிவங்களை எந்தவித அலைச்சலும் இன்றி அவரவர் நிறுவனங்களில் இருந்தபடி பெறும் வகையில் நடைமுறை எளிமையாக்கப்பட்டுள்ளது.

இதுவரை பதிவு செய்யாத வணிகர்கள் அனைவரும் உடனடியாக பதிவு செய்து புதிய மென்பொருளின் பயன்களை பெறுமாறு கேட்டுக் கொள்ளப்படுகிறார்கள்.

உதவி மையம்

வணிகர்கள் புதிய மென்பொருளை பயன்படுத்துவதில் உள்ள நடைமுறை ஆலோசனை தொடர்பாக வணிகவரித் துறையின் அனைத்து வரிவிதிப்பு வட்டங்களிலும் உதவி மையம் பயன்பாட்டில் இருந்து வருகிறது.

அது மட்டுமல்லாது கட்டணமில்லா தொலைபேசி எண் 1800 103 6751 பயன்பாட்டில் இருந்து வருகிறது. இந்த மென்பொருள் தொழில்நுட்பம் தொடர்பான வணிகர்களது சந்தேகங்களுக்கு பதில் அளிப்பதற்கு துறை சார்ந்த மற்றும் தொழில்நுட்ப வல்லுனர்கள் அடங்கிய குழு வாரத்தின் 7 நாட்களிலும் 24 மணிநேரமும் கிரீம்ஸ் சாலையில் உள்ள வணிகவரித்துறை கட்டிடத்தில் இயங்கி வருகிறது.

உடனடியாக பதிவு

எனவே வணிகர்கள் அனைவரும் புதிய மென்பொருளில் உள்ள வசதிகளை பெற்றுக் கொள்ள உடனடியாக பதிவு செய்திடுமாறு கேட்டுக்கொள்ளப்படுகிறார்கள்.

என்ன ஆச்சு டேலிக்கு

லீப் வருட பிப்ரவரி கடைசி நாள்.

பிப்ரவரி 29.

டேலி உபயோகிப்பளர்கள் அனைவருக்கும் கண்ணைக்
கட்டி காட்டில் விட்டது போல் ஆகி விட்டது ( ஒரு சிலரைத் தவிர ).

பலரையும் அன்று டேலி குழப்பி எடுத்து விட்டது.


காரணம் டேலி EDUCATION VERSION ஆக மாறி விட்டது.


தங்களது கணினியின் தேதியை முன் தேதியாக ( BACK DATE )
  ( 28.2.2016 ) என்று
 மாற்றி பயன்படுத்தினாலும்
"எடுபடவில்லை மீண்டும் முயற்சிக்கவும்"
என்கிற ரீதியில் தான் அன்றைய நாள் சென்றது.

இறுதியில் அன்று இரவு நல்ல செய்தி கிடைத்தது.

ஆம்.

வந்த செய்தி டேலி நிறுவனத்திடம் இருந்து அல்ல.


தமிழக வணிகவரித் துறையிடம் இருந்து தான் செய்தி வந்தது.

பிப்ரவரி மாத ரிட்டனை பழைய தளத்தில் ( www.tnvat.gov.in ) தாக்கல் செய்யலாம் என்ற இன்ப அதிர்ச்சி செய்தி தான் அது.

கண்ணா Tally ( டேலி ) கத்துக்க ஆசையா

* கண்ணா
( டேலி ) Tally கத்துக்க ஆசையா *


நீங்க Tally
( டேலி ) மென்பொருளை பயன்படுத்துபவரா..
தமிழகத்தை
சேர்ந்தவரா..
டேலி மென்பொருள் மூலம் வாட் வரி மாதந்திர விற்பனைவரி
படிவங்களை மின்னனு முறையில்
( E- FILE ) செய்து வருகிறீர்களா..
அப்படி
என்றால் இந்த பதிவு முக்கியமானது.

தமிழ்நாடு மதிப்புக் கூட்டு வரி (VAT )
சட்டத்தின் புதிய விதிப்படி இணைப்புகளில்
( ANNEXURE ) புதிய மாற்றங்கள் நடைமுறைக்கு வரவுள்ளது.

அதாவது இதுவரை
FORM I -ல்
( PURCHASE ) கொள்முதலை
( ANNEXURE 1 ) இணைப்பு ஒன்றிலும் ,

( SALES ) விற்பனையை
( ANNEXURE 2 ) இணைப்பு இரண்டிலும் Tally (டேலி ) மென்பொருள் மூலம் EXCEL பைலாக எடுத்து E- FILE செய்து வருகிறோம்.
இணைப்புகளில் இனி புது
மாற்றங்கள் செய்யப்பட்டுள்ளது.
அதன்படி
( PURCHASE ) க்கான இணைப்பு
ஒன்றில் மட்டும் தான் மாற்றம் செய்யப்பட்டுள்ளது.

( SALES ) விற்பனைக்கான இணைப்பு இரண்டில் எந்த மாற்றமும் இல்லை.
இணைப்பு
ஒன்றில் டெலிவரி செலானுக்காக புதிதாக ஒரு கட்டம் கூடுதலாக
சேர்க்கப்பட்டுள்ளது.
அதேபோல் கடைசி கட்டத்தில் CATEGORYஐ பதிவு
செய்வோம். இதுவரை வெளிமாநிலத்திலிருந்து நாம் கொள்முதல்
( INTERSTATE PURCHASE ) செய்யும் போது CATEGORYஐ
" O " என்று போடுவோம்.

இனி இணைப்பு ஒன்றில் நாம் வெளிமாநில கொள்முதலை பதிவு செய்யும் போது
CATEGORY யில் O என்று பதிவு செய்தால் அந்த கொள்முதலுக்கு கட்டாயம்
"சி பார்ம்"
( C FORM ) கிடைக்காது. ஆமாங்க O என்று பதிவு செய்தால் WITHOUT
C FORM என பொருள் கொள்ளப்படும்.
அதாவது O என்ற CATEGORY இனி INTER-STATE
PURCHASES REQUIRING no FORM C என பொருள்படும்.

அப்ப வெளிமாநில
கொள்முதலுக்கு சி பார்ம் வாங்குவது எப்படி... ? அவசரப்படாதீங்க.
அதுக்கு தான் FORM I-ல் புதிதாக இணைப்பு A1-A
( ANNEXURE 1 - A ) என்ற புதிய இணைப்பு ஒன்று சேர்க்கப்படுகிறது. இந்த
இணைப்பு A1- A ன் மூலம் பதிவு செய்யப்படும் வெளிமாநில கொள்முதலுக்கு
மட்டுமே இனி சி பார்ம் கிடைக்கும்.

இணைப்பு ஒன்றில் வழக்கமாக பதிவு
செய்வதற்கும் இணைப்பு 1- A ல் பதிவு செய்வதற்கும் சில வித்தியாசங்கள்
உண்டு. பொதுவாக வெளிமாநில கொள்முதலை வரியுடன் சேர்ந்த மொத்த தொகையை
( NET AMOUNT ) தான் பதிவு செய்வோம். இதற்கு முக்கிய காரணம் வெளிமாநில
கொள்முதலுக்கு உள்ளீட்டு வரி சலுகை கிடையாது.
ஆனால் இனி இணைப்பு ANNEXURE
1 - A ல்

1 ) வெளிமாநில விற்பனையாளர் பெயர்,

2 ) வெளிமாநில வியாபாரியின் முகவரி,

3 ) அந்த கம்பெனியின் டின் ( TIN NO ) எண்,

4 ) COMMODITY CODE,

5 ) இன்வாய்ஸ்/ டெலிவரி நோட் நம்பர்

6 ) இன்வாய்ஸ் / டெலிவரி நோட் தேதி,

7 ) பர்சேஸ் ஆர்டர் நம்பர் ,

8 ) பர்சேஸ் ஆர்டர் தேதி,

9) கொள்முதல் தொகை
( WITHOUT CST ),

10 ) RATE OF CST TAX,

11 ) CST PAID,

12 ) TOTAL PURCHASE VALUE
( INCLUDING CST )
வரியுடன் கூடிய மொத்த தொகை இவ்வளவையும் தரனும்.

அதோட CATEGORYஐ மறக்காம " J "
என்று பதிவு செய்யனும்.
J என்ற CATEGORY என்பது INTER STATE PURCHASE AGAINST FORM C எனப் பொருள்படும்.

அதனால ANNEXURE 1 - A பதிவு செய்யும்போது கவனமா பார்த்து சூதானமா இருக்கனும்.

இதற்கான அரசு அறிவிப்பை விரைவில் எதிர்பாருங்கள்.

நம்ம டேலி
( Tally ) யும் இணைப்புகளின் புதிய மாற்றங்களை செய்து புது
STAT FILE வெளியிடும்.

தமிழக அரசு ஏன் இந்த மாற்றத்தை திடீரென செய்கிறது தெரியுமா..?

விபரம்
அடுத்த பதிவில்..

அன்புடன் Tally
( டேலி ) ராஜா.

புது வருடமும் புது கணக்கும்..

வண்டு முருகன்...
வண்டு முருகன்...

நீதிபதி :- ஆங்கில புத்தாண்டு
என்னைக்கு துவங்குது.

வண்டு முருகன்:-
கனம் நீதிபதி அவர்களே..!
ஆங்கில புத்தாண்டு ஐனவரி முதல் தேதியில் தொடங்குது யுவர் ஓனர்..?

நீதிபதி:- தமிழ் புத்தாண்டு எப்ப துவங்குது..?

வண்டு முருகன்:- ஆகா..
ஆரம்பிச்சிட்டாங்கய்யா ஆரம்பிச்சிட்டாங்கய்யா . நல்லா கேக்கிறாங்ராய்ங்க
டீடெயிலு. அதாவது சித்திரை முதல் நாள் தான் தமிழ் புத்தாண்டா
இருந்திச்சி. இப்ப 5 வருசத்திற்கு ஒரு தரம் சித்திரை , தை ன்னு அவங்க
நோக்கத்துக்கு மாத்திகிறாங்க. ஆகா.. நானா தான் அரசியல் பேசிட்டனோ.
பிசியா சூட்டிங் போயிக்கிட்டு இருந்த என்ன அரசியல பேச வச்சதால இப்படி
சிக்கி சீரழஞ்சி ஒரு பொழப்பும் இல்லாம வீட்டுல சும்மா உக்காந்துகிட்டு
சுட்டி டீவி பாத்துகிட்டு இருக்கேன். இப்ப திரும்பவுமா..

வேண்டாம்
விட்டிருங்க வலிக்குது... அழுதுருவேன்.

நீதிபதி:- வட இந்தியர்கள் எப்ப
புது கணக்கை துவக்குறாங்க..


வண்டு முருகன்:- ஒவ்வொரு வருசமும் தீபாவளி அன்னிக்கி வட இந்தியர்கள் புது வருட கணக்கை ஆரம்பிக்கிறாங்க.

நீதிபதி:- அப்புறம் எல்லா பேங்கிற்கு ஏப்ரல் முதல் நாள் புது வருட
கணக்கு சொல்லி லீவு விடறாங்க.அது ஏன் தெரியுமா...?

வண்டு முருகன்:-
அப்சக்ஜன் யுவர் ஆனர்.( ஓவரா கத்திட்டேனோ ) நான் என்னமோ ரிசர்வ் பேங்க்
கவர்னர் மாதிரி என் கிட்ட பேங்க் நிர்வாகத்தை பத்தி கேட்டா
எப்பூ...பூ...டி. என்னை ஓவரா கடுப்பேத்துறீங்க மை லார்ட். இத்தோட நான்
கிளம்புறேன்.


இந்தியாவில் வருமான வரி , விற்பனை வரி, வங்கிகள் ன்னு
எல்லா கணக்குகளும் ஏப்ரல் முதல் நாள் தான் புது வருடம் துவங்குகிறது.
அதனால் தான் நாம ஏப்ரல் முதல் தேதியில் துவங்கி
மார்ச் 31 ல் முடியும்
காலத்தை கணக்கியல் ஆண்டாக நிர்வகிக்கிறோம்.

வழக்கமா நாம் ஏப்ரல் முதல்
தேதியில் தான் புதுக் கணக்கு பூஜை போடுவோம்.

புதுக் கணக்கு பூஜை போட
என்னென்ன புத்தகங்கள் வாங்குவோம்.
அன்றாட வரவு செலவு எழுத
ROUGH DAY BOOK
( கச்சா குறிப்பேடு ),
DAY BOOK,
LEDGER,
புது BILL BOOK, PURCHASE
REGISTER,
SALES REGISTER,
BANK PASS BOOK
( OSWAL ),
PARTY
COLLECTION BOOK ( OSWAL ),
BOX FILE,
பேனா ,
பென்சில்,
ரப்பர்.

Tally மென்பொருள் இருக்கிறதால இப்ப இதையெல்லாம் வாங்க வேண்டிய
அவசியமில்லாம போயிருச்சு.

Paper less work, Virtual office என்கிற ரேஞ்சுக்கு டேலி மென்பொருள்
டெவலெப் ஆயிட்டு வருது.

VOUCHER ENTRY மூலம் Tally-ல் பதிவு செய்தாலே
போதும். உங்களுக்கு தேவையான
DAY BOOK,
BANK BOOK,
CASH BOOK,
BALANCE
SHEET,
PROFIT & LOSS,
TRIAL BALANCE,
STOCK BOOK ,
PARTY LEDGER, என
எல்லா ரிபோர்ட்டும் கிடைத்து விடும்.
சரி, வாங்க, Tally யில் எப்படி
புது வருட கணக்கை துவங்குவது எனப் பார்ப்போம்.

RAJ & CO என்ற கம்பெனியில்

2011-2012 வருடத்திற்கு கணக்குகளை பதிந்து வச்சிருக்கீங்க.

இப்ப
RAJ & CO-விற்கு
2012 - 2013 வருடத்திற்கான கணக்குகளை VOUCHER ENTRY மூலம்
பதியனும். இதற்கு
RAJ & CO என்ற பெயரில் புதிதாக ஒரு கம்பெனியை Tallyல்
துவக்குவீங்களா.
சாரி பிரதர். புதிதாக கம்பெனி துவக்குவது சுலபம்.
ஆனா
அப்படி செய்தால் 2011-2012 வருடத்தில் நாம் பயன்படுத்திய LEDGERகளை
மீண்டும் நாம்
2012-2013 வருட கம்பெனிக்கும் புதிதாக துவக்க
வேண்டியிருக்கும்.

இதனால் நமக்கு ஏராளமான நேரம் வீணாகும்.

Tally யில் இந்த
இடையூறை போக்க ஒரு சுலபமான வசதி செஞ்சிருக்காங்க.

அந்த வசதிக்கு பேரு தான்

SPLIT COMPANY DATA.

இப்ப RAJ & CO கம்பெனியை
ஓபன் செய்யுங்க.

CURRENT PERIOD
2011 - 2012 என இருக்கா..

ALT+F2வை
அழுத்துங்கள்.

CHANGE PERIOD என்பதை
1.4.2012 to
31.3.2013 என்று
மாற்றுங்கள்.

இப்ப CURRENT PERIODஐ பாருங்க.
அடுத்த வருசத்திற்கு
(2012-2013) மாறியிருக்கா. Raj & co என்ற கம்பெனி
1.4.2011 to 31.3.2013
என இரண்டு வருட கணக்கா மாறியிருக்கு.
இப்ப நாம
SPLIT COMPANY ஆப்சன்
மூலம் இரண்டு வருட கணக்கை தனியா பிரிச்சி Raj & co விற்கு 2011-2012 ,
2012-2013 என்று இரண்டு கம்பெனியா மாற்றனும். எப்படி..?

ALT+F3 ஐ
அழுத்துங்க.

அதில் SPLIT COMPANY DATA என்ற ஆப்சனை தேர்வு செய்து ENTER
பட்டனை அழுத்துங்க. இப்ப SELECT COMPANY என்ற ஆப்சனை தேர்வு செய்து
ENTERஐ அழுத்துங்க.

SPLIT FROM என்பதற்கு
1.4.2012 என்று மாற்றவும்.

SPLIT COMPANY என்பதற்கு YES என்பதை அழுத்துங்கள். SPLITING COMPANY IN
PROGRESS என்ற கட்டம் திரையில் தெரியும். சிறிதுநேரம் கழித்து பார்த்தால்
இரண்டு புதிய கம்பெனி துவக்கப் பட்டிருக்கும்.
அதாவது
RAJ & Co
2011 -2012
(From 1.4.2011) என்றும்
2012-2013
(From 1.4.2012)
என்றும் இரண்டு கம்பெனிகள் இருக்கும்.

அதேசமயம்
RAJ & co பழைய
கம்பெனியும் அப்படியே எந்த மாறுதல் இல்லாம இருக்கும் .

2011-2012 கம்பெனி
டேட்டா நம்மிடம் இருப்பதால் SPLIT COMPANY மூலம் புதிதாக உருவான
RAJ & Co
(from 1.4.2011 ) என்ற கம்பெனியை DELETE செய்யுங்கள்.

RAJ & CO
(from 1.4.2012) என்ற புதிய கம்பெனியில் நாம் பதிவிட துவங்கலாம். அதற்கு முன்
கவனிக்க வேண்டிய முக்கிய விசயங்கள் சில உள்ளன..

இது டெலி ஷாப்பிங் ( Tele Shopping ) அல்ல! டேலி ஷாப்பிங்!! ( Tally Shopping )

இது டெலி ஷாப்பிங்
( Tele Shopping ) அல்ல.
டேலி ஷாப்பிங்.
( Tally Shopping )

ஒரு மாலை வேளை..

மனைவி , பிள்ளைகளோடு ஷாப்பிங் பண்ண
கிளம்பறீங்க..
என்னென்ன வாங்கணும். அதற்கு எவ்வளவு செலவாகும் என்று ஒரு
பட்டியல் போட்டிருப்பீங்க.

இப்ப உங்க பாக்கெட்டில் பொருட்கள் வாங்க
தேவையான பணமும்
DEBIT CARD ,
CREDIT CARDம் வச்சிருப்பீங்க.

பிக் பஜார்
( BIG BAZAAR ) கடைக்கு போறீங்கன்னு வச்சிக்குவோம். உள்ளே நுழையும்போதே
உங்களுக்கு தேவையான பொருட்களை எடுத்து வைத்துக் கொள்ள வாசலிலே இருக்கும்
தள்ளுவண்டி
(TRALLY) எடுத்துகிறீங்க.
உள்ளே போனதும் கண்ணில் கண்ட
பொருள்களையெல்லாம் எடுத்து வைத்து கொள்வீர்களா?
நிச்சயமா அந்த காரியத்தை
செய்ய மாட்டீங்க. ஏனென்றால் நமக்கு என்ன தேவை என்ன வாங்கணும்னு நம்மகிட்ட
லிஸ்ட் இருக்கே. சில சமயம் நம்மிடமுள்ள லிஸ்டில் இல்லாத பொருளையும்
வாங்குவோம். காரணம் அவசரத்தில் நாம் அப்பொருளை லிஸ்டில் சேர்க்க
மறந்திருப்போம்.

ஒரு சில பொருட்கள் புதிதாய் சந்தைக்கு வந்திருக்கும்.

நமக்கு தேவையென்றால் அதையும் வாங்குவோம்.
ஒன்றை நினைவில் வைத்து கொள்ளுங்கள். நாம் எவ்வளவு பணத்தை பாக்கெட்டில்
வைத்திருந்தாலும் தேவையான பொருட்களை மட்டும் தான் வாங்குகிறோம். நமக்கு
தேவையில்லாத பொருட்களை வாங்கினா வீட்டில் இடத்தை அடைத்து கொள்ளும்.
அதே
போல நமக்கு தேவையில்லாததை வாங்கினா நமது மாதாந்திர பட்ஜெட்டும் குளறுபடி
ஆகிவிடும்.

சாதாரண குடும்பத்துக்கே இப்படினா Tallyக்கு எப்படி?

Tallyயும் மிகப் பெரிய டிபார்ட்மென்ட் ஸ்டோர் மாதிரி தாங்க.

நீங்கள்
நடத்துவது சிறிய கடையா அல்லது பெரிய நிறுவனமா.

நீங்கள் நடத்துவது சில்லறை
( RETAIL ) வியாபாரமா. அல்லது மொத்த ( WHOLESALE ) வியாபாரமா.

நீங்கள்
குறிப்பிட்ட பொருளை வாங்கி விற்கும் வணிகரா
( TRADER ) அல்லது
குறிப்பிட்ட ஒரு பொருளை உற்பத்தி
( MANUFACTURER ) செய்து விற்பவரா.

அல்லது

பெரிய டிபார்ட்மெண்ட் ஸ்டோர் நடத்துபவரா..


எல்லா வித
கணக்குகளையும் Tally மூலம் எளிதாக நிர்வகிக்க முடியும்.
Tally மென்பொருள்
என்றாலே
User friendly தாங்க. அனைவரும் பயன்படுத்த எளிதானது.
அது மட்டுமல்ல Tally மென்பொருள் என்றாலே
All is Well.
ஆமாங்க ஆல் இஸ் வெல்.
சாரிங்க Tally மென்பொருள் என்றாலே ALL IN ONE தாங்க.

Tally மென்பொருள் என்பது ஏதோ குறிப்பிட்ட வகை கணக்குகளை மட்டுமே
நிர்வகிக்க கூடியதல்ல.

Tally ஆல் எல்லா வகை கணக்குகளும் சாத்தியமாகும்.

ஆமாங்க கணக்கு வழக்கில் உங்கள் தேவை எதுவோ அதை எளிதாக்கி தருவது தாங்க
Tally ன் முக்கிய வேலையே.
Tally என்றாலே
Fit for all Business Accounts
என்பது தெரியுமா உங்களுக்கு.
பொதுவா புதிதாக கணக்கு துவங்கும் போது
புத்தகத்தில் மஞ்சள் தடவி
'உ' என்று எழுதிதான் துவங்குவோம்.

அதேபோலத்தான் Tally.ERP9ல் புதிதாக கம்பெனியை துவக்கும்போது
( CREATE COMPANY
) முதலில் நாம் செய்ய வேண்டியது.
Accounts onlyஆ அல்லது Accounts with
inventoryஆ என்பதை சரியாக தேர்வு செய்ய வேண்டும்.

அடுத்ததா Tallyல்
புதிதாக ஒரு கம்பெனியை துவக்கிய உடன் உங்களுக்கு தேவையான
F 11 ஆப்ஷன்களை
மட்டுமே தேர்வு செய்யனும்.
ஏனென்றால் F11 ஆப்ஷன் மூலம் தான் நாம்
கணக்குகளை எப்படி நிர்வகிக்க போறோம் என்பதை தீர்மானம் கொள்ளலாம்.

ஏனென்றால் எல்லாவித கணக்குகளையும் நிர்வகிக்க வேண்டும் என்பதால்
Tallyஇல் F 11 ஆப்ஷன்கள் ஏராளமாய் இருக்கும்.
அதை நம் தேவைக்கேற்ப
READY TO USE என்ற நிலைக்கு மாற்றிக் கொள்ள தெரிஞ்சுக்கணும்.
அதனால் உங்களுக்கு தேவையில்லாத ஆப்ஷன்களுக்கெல்லாம் YES என்று தேர்வு
செய்யக் கூடாது. தேவையில்லாத பொருளை எப்பவுமே வாங்க மாட்டீங்க.
அது போல
தேவையில்லாத ஆப்ஷனையும்
F 11 தேர்வு செய்யாதீங்க. அப்படி செய்தால்
என்னவாகும் தெரியுமா...?

வடிவேலு சொல்ற மாதிரி நாலு அஞ்சி இடியாப்பத்தை
மொத்தமா பிச்சி ஒரு தட்டுல போட்ட மாதிரி ஒரே கொச கொசன்னு ஆகி போயிடும்!

VOUCHER ENTRY கூட உங்களுக்கு குழப்பமாகி விடும்.

அக்னி நட்சத்திரம் ஆரம்பிக்கிறதுக்கு முன்பே வெயில் இப்படி
கொளுத்துது.
லாஜிக் இல்லாம யோசிச்சு பாருங்க.
வீட்டில சும்மா தானே
இருக்குன்னு குளிருக்கு போடற ஸ்வட்டரை போட்டுகிட்டு வெளியில போவீங்களா.
ரோட்டுல போறவன் உங்களை பார்க்கிற பார்வை எப்படி இருக்கும். முதல்ல உங்க
உடம்பு தாங்குமா.

தேவைக்கேற்ப தான் எதையும் பயன்படுத்தனும்.

இப்ப
புரிஞ்சுதா
F 11 ஆப்ஷனின் முக்கியத்துவம்.
தேவையில்லாத விஷயத்தில மூக்கை
நுழைக்க கூடாது.

Tallyயில் தேவையில்லாத F11 ஆப்ஷனுக்கு YES கொடுக்க
கூடாது.
அடடா...! மறுபடியும் சாரிங்க.
அதுவந்து வேற ஒண்ணுமில்லைங்க.
Tally Shop பத்தி எழுதனும் ஆரம்பிச்சா டேக் டைவர்சன் ஆகி கடைசியில இப்படி
Tally shopping ஆகி போச்சுங்க. பரவாயில்லைங்க.

Tally Shop பத்தி அப்புறம்
சொல்லுறேன்.

ஓ கே வா..
ஓகே! ஓகே!

சொல்ல மறந்த சுருக்குவிசை ( Tally Shortcut Keys)

**¤ Tally ( டேலி ) யின் ஹாட் கீ ( HOT KEY ) ¤**


அவசரமாக திருச்சியிலிருந்து சென்னை செல்லவேண்டும். பேருந்து நிலையம் செல்கிறீர்கள். திருச்சி டூ சென்னை என்று போட்டிருந்தால் ஏதாவது ஒரு வண்டியில் ஏறிவிடுவீர்களா. சாதாரண கட்டணம் என எழுதியிருக்கும் பேருந்தில் நிச்சயம் ஏற மாட்டீர்கள். அதில் கட்டணம் குறைவென்றாலும் ஊரெல்லாம் நின்று செல்லும். அடுத்து எக்ஸ்பிரஸ் பேருந்து .இது குறைவான இடங்களில் மட்டும் நின்று செல்லும். அடுத்து பை பாஸ் பேருந்து. இது ஊருக்குள் சென்று போக்குவரத்து நெரிசலில் மாட்டிக் கொள்ளாமல் புறவழிச் சாலையில் விரைவில் சென்று விடும். அடுத்து பாயிண்ட் டூ பாயிண்ட் . திருச்சியில் கிளம்பினால் சென்னை தான். உங்கள் தேர்வு எதுவாக இருக்கும். பாயிண்ட் டூ பாயிண்ட் , எக்ஸ்பிரஸ் விரைவு பேருந்து , பை பாஸ் பேருந்து , நிச்சயம் இதில் ஏதாவது ஒன்றாகத் தான் இருக்கும். காரணம் கட்டணம் அதிகம் என்றாலும் இந்த பேருந்துகளில் விரைந்து செல்ல முடிவதால் உங்கள் நேரம் மிச்சபடுகிறது. போகும் பாதை வெவ்வேறாக இருந்தாலும் சேருமிடம் ஒன்றே. இதையே தானே டேலியிலும் நீங்கள் எதிர்பார்ப்பீங்க.


டேலியில் விரைவாக வேலையை முடிக்கவும் நேரத்தை மிச்சப்படுத்தவும் என்ன செய்யலாம். அதற்கு மவுஸை பயன்படுத்தாமல் கீ போர்டை அதிகம் பயன்படுத்த வேண்டும். அப்போ எந்த சுருக்கு விசையை ( SHORTCUT KEY ) எப்போது பயன்படுத்த வேண்டும் என தெரிந்திருக்க வேண்டும். உங்கள் கணினியின் டேலி-ஐ கிளிக் செய்யுங்கள். முதலில் COMPANY INFO தெரியும். அதில் வரிசையாக மெனுக்கள் தெரியும். ஒவ்வொரு வரியிலும் ஒரு எழுத்து தடித்த எழுத்தாக இருக்கும். இதில் நாம் தேர்வு செய்ய நினைப்பது 1 ) SELECT COMPANY ( ஏற்கனவே நாம் உருவாக்கி வைத்த கம்பெனிகளின் பட்டியல் ) 2) CREATE COMPANY (புதிதாக கம்பெனி உருவாக்க) 3) BACK UP (ஏற்கனவே உள்ள கம்பெனிகளின் டேட்டாவை நகலெடுக்க ( COPY செய்ய) 4)RESTORE ( கம்பெனி டேட்டாவை நிறுவுதல் ). இப்போது SELECT COMPANYக்கு செல்ல உங்கள் கீ போர்டில் S என்ற கீயை அழுத்துங்கள். அல்லது F1 என்ற கீ யை அழுத்துங்கள். புதிதாக டேலியில் கம்பெனி துவங்க வேண்டுமா..? C என்ற கீயை அழுத்தினால் கம்பெனி CREATION மெனுவிற்கு நேரடியாகச் செல்லலாம். சரி. S என்ற கீயை உங்களுக்கு தேவையான கம்பெனியை திறந்து கொள்ளுங்கள்.
Tally மென்பொருளை பொறுத்தவரை DISPLAYவிலோ அல்லது Voucher Entryன் போதோ எவ்வளவு தூரம் நாம் மௌஸை தொடாமல் விசைபலகையை மட்டும் பயன்படுத்தி சுருக்குவிசையை உபயோகப்படுத்துகிறோமோ அவ்வளவுதூரம் நேரம் மிச்சப்படும். வேலைநேரமும் சுவாரசியமாக இருக்கும். தலையை சுத்தி மூக்கை தொடாம உங்கள் வேலையை சுலபமா முடிக்கனும்னா கட்டாயம் டேலியின் சுருக்குவிசைகளை எங்கே எப்போது பயன்படுத்துறதுன்னு உங்களுக்கு தெளிவான அனுபவம் தான் கை கொடுக்கும். டேலி சுருக்கு விசைகள் பார்த்தாலோ படித்து ஞாபகத்தில் வச்சிகிட்டு இருந்தாலோ புரியாது. பழக பழக அனுபவத்துல தான் அதன் சிறப்பம்சம் புரியும்.

விலைவாசி உயர்வும் Tally ன் கட்டண மாற்றமும்

இந்த உலகில் மாற்றம் என்ற வார்த்தை தவிர மற்ற அனைத்துமே மாறுதலுக்கு உட்பட்டது . விலை வாசி விண்ணை நோக்கி செல்கிறது. சர்வதேச அளவில் கச்சா எண்ணெய் விலை உயர்வால் பெட்ரோல், டீசல், கேஸ் சிலிண்டர் விலையும் கூடி விட்டது. தினந்தோறும் கூடும் தங்கத்தின் விலையை கண்டு நடுத்தர மக்கள் நொந்து போய் உள்ளனர். தங்கம், பெட்ரோலிய பொருட்கள் விலை உயர்வால் பங்கு சந்தையும் ஸ்திரமில்லாமல் ஏற்ற இறக்கங்களை சந்தித்து வருகிறது. ஆடி காத்துல அம்மியே நகரும் என்பார்கள். அரசாங்கம் எம்மாத்திரம். பொருளாதார நெருக்கடியை சமாளிக்க அரசாங்கம் மக்களின் அத்தியாவசிய தேவைகளான பெட்ரோல் டீசல் , கேஸ் விலைகளை உயர்த்தி விட்டது. அதுமட்டுமல்ல சமீபத்தில் மத்திய அரசு ரயில் கட்டணங்களை உயர்த்தியது. தமிழக அரசோ ஏற்கனவே பால் விலை மற்றும் பேருந்து கட்டணத்தை உயர்த்தி இருந்தது. தற்போது மின் கட்டணத்தையும் உயர்த்தி விட்டது. அரசாங்கமே மக்களின் அத்தியாவசிய துறைகளில் விலையேற்றம் செய்ய வேண்டிய கட்டாய சூழ்நிலையில் இருக்கும் போது தனியார் நிறுவனங்களின் நிலையை யோசித்து பாருங்கள். என்னதான் விலைவாசி கூடி கொண்டு சென்றாலும் மக்கள் அதை சமாளித்து வாழ பழகி கொள்கிறார்கள்.வேற வழி.
இந்த இக்கட்டான சூழ்நிலையில் தான் டேலி நிறுவனம் நீண்ட நாட்களாக உயர்த்தபடாமல் இருந்த Tally.ERP9ன் விலைகளில் சில மாற்றங்களை செய்துள்ளது. புதிய விலை மாற்றம் 16.04.2012 முதல் அமலுக்கு வருகிறது. அதன்படி தற்போது ரூபாய் 13500 க்கு கிடைக்கும் Tally.ERP9 Single user ( ஒரு கணினி மட்டும் பயன்படுத்த கூடியது ) இனி 18000 ரூபாய்க்கு கிடைக்கும். அதே போல் தற்போது 40500 ரூபாய்க்கு கிடைக்கும் Tally.ERP9 Multi user ( பல கணினி இணைப்பில் பயன்படுத்த கூடியது) இனி 54000 ரூபாய்க்கு கிடைக்கும். அதனால் டேலி மென்பொருளை புதிதாக வாங்க இருப்பவர்கள் உடனே பழைய விலைக்கு வாங்கி பயனடையுங்கள். மறந்திராதீங்க 16.04.2012 முதல் புதிய விலை. இப்பவே வாங்கினா உங்களுங்கு கிடைக்கும் டேலியின் கொலவெறி ஆபர் . DONT MISS IT. இதே போல Tally யின் DOT NET வசதியை புதுப்பிக்கும் வருடாந்திர கட்டணமும் மாற்றியமைக்கப் படுகிறது. அதன்படி DOT NET வசதிக்கு SINGLE USERக்கு கட்டணம் 2700 லிருந்து 3600 ஆக மாற்றம் செய்யப்படுகிறது. அதே போல் MULTI USER க்கு DOT NET வசதிக்கான வருடாந்திர கட்டணம் 8100 லிருந்து 10800 ஆக மாற்றம் செய்யப்படுகிறது.

வை திஸ் கொல வெறி!

* ஒய் திஸ் கொல வெறி
( ஏன் இந்த கொலைவெறி )*
( why this kolaveri )
டிசம்பர் மாதம் இசைவிழா மாதம். இசை விழாக்களை ஊடகங்கள் வரிந்து கட்டி விமர்சிக்கும். சமீபத்தில் நடிகர் தனுஷ் நடிக்கும் மூன்று (3) படத்தின் ஒரு பாடல் யூடியூபில் (YOU TUBE) இணைக்கப்பட்டது.


தனுஷ் பாடிய ஒய் திஸ் கொலவெறி ( why this kolaveri ) என்ற பாடல் இன்று பட்டிதொட்டியெங்கும் ஒலிக்கிறது.

பண்பலை வானொலிகளில் இப்பாடல் ஒலிக்காத நாளில்லை.

இளைஞர்களிடம் மிகப் பெரிய ஆதரவைப் பெற்றுள்ளதால் இது போன்ற பாடல் கலாச்சாரம் தொடர்ந்து வந்து விட போகிறதோ என அச்சப்படுகிறார்கள் இசை விமர்சகர்கள்.

ஊடகங்களில் இந்த பாடல் பற்றி விவாதங்களும் கருத்து மோதல்களும் அரங்கேறியுள்ளன.

நடிகர் வடிவேலுவின் நகைச்சுவை காட்சிகளை பார்த்தால் தொடர்ந்து ஒரு சில வரிகளை அடிக்கடி பயன்படுத்துவார்.
"நல்லா தானே போய்கிட்டு இருக்கு. ஏன் இந்த கொல வெறி"

உஷ் அப்பா இப்பவே கண்ணை கட்டுதே.

வேணாம் வலிக்குது அழுதிருவேன்"
என்று சொல்வார்.

அது போன்ற கொல வெறி ( kolaveri )சம்பவம் தான் இந்தப் பதிவு.


நீண்ட நாட்களுக்கு முன்பு நண்பர் ஒருவரை சந்தித்தேன். தன்னுடைய அலுவலகத்தில் தனியாரால் வடிவமைக்கப்பட்ட ஒரு கணக்கியல் மென்பொருளை பயன்படுத்துவதாகவும் அதன் சிறப்பம்சம் பற்றியும் கூறினார்.

அடுத்த சந்திப்பில் அவருடைய வாடிக்கையாளர் தான் பயன்படுத்தும் TALLY 5.4 சிறப்பம்சங்களை கூறியதால் எனது நண்பரும் TALLY 5.4 வாங்கி பயன்படுத்துவதாக கூறினார்.

அடுத்தடுத்த சந்திப்புகளில்
TALLY 6.3 ,
TALLY 7.2 ,
TALLY 8.1 ,
TALLY 9 என வரிசையாக வந்த TALLY மென்பொருளின் புதிய பதிப்புகள் ( VERSION ) பற்றியும் புதிதாக சேர்த்துள்ள கூடுதல் வசதிகளையும் பயன்பாட்டு சிறப்புகளையும் நேரில் பார்க்கும் போதெல்லாம் கூறி வருவார்.

1.1.2007 அன்று முதல் தமிழகத்தில் வாட் வரி (VAT) அறிமுகம் செய்யப்பட்டது.

மதிப்புகூட்டுவரி (VALUE ADDED TAX) அறிமுகம் செய்யப்பட்டதால் டேலி ( TALLY ) மென்பொருளின் தேவை அதிகரித்தது.

அந்த சமயத்தில் நண்பரை மீண்டும் சந்தித்தேன்.
VAT வரி வந்ததும் வணிகவரித் துறை புதிதாக படிவங்களை (FORMS) அறிமுகம் செய்துள்ளதாக கூறினார்.

அதே போல கொள்முதல் , விற்பனை விவரம் அடங்கிய இணைப்புகளை (ANNEXURE) இணையத்தின் மூலம் பதிவேற்றம்
(UPLOAD) செய்ய டேலி (TALLY) மென்பொருள் பெரிதும் உதவுவதாக கூறினார்.

பின்பு TALLY 9 பதிப்பு (VERSION) Tally.ERP9 என புதிதாக மாறியது.

அந்த சமயத்தில் நண்பரை சந்தித்தேன்.

தான் டேலி9 லிருந்து புதிய ERP VERSIONக்கு மாறப் போவதில்லை என்றார்.

அதற்கு நண்பர் கூறிய காரணத்தை கேட்டவுடன் உஷ்... அப்பா ... இப்பவே கண்ணை கட்டுதே.
நல்லா தான்யா போய்கிட்டு இருந்தது. ஏன் இந்த கொல வெறி.. வேணாம் வலிக்குது அழுதிருவேன் ன்னு நடிகர் வடிவேலுவின் குரல் எங்கிருந்தோ எதிரொலிப்பது போலிருந்தது.

என்னை நம்பித் தான் வாடிக்கையாளர்கள் தங்களது கணக்கு வழக்குகளை என்னிடம் ஒப்படைச்சிருக்காங்க.
நான் Tally9 லிருந்து Tally.ERP க்கு மாறினால் என்னுடைய வாடிக்கையாளர்களின் கணக்குகள் TALLY SERVERல் இணைக்கப்பட்டு விடும்.

அப்புறம் என்னுடைய வாடிக்கையாளர்களின் கணக்குகள் TALLY நிறுவனத்திற்கு தெரிந்துவிடும்.

PRIVACY போன பிறகு என்னுடைய வாடிக்கையாளர்கள் (CLIENT) என் மீது வைத்துள்ள நம்பகத் தன்மையை இழந்து விடுவேன்.

அதனால் தனக்கு
DOT NET ம் வேண்டாம்.
ERPயும் வேண்டாம் என பிடிவாதம் பிடித்தார்.

காலப் போக்கில் வணிகவரித் துறை மாதாந்திர ரிட்டன் படிவம் (MONTHLY RETURN FORM) வணிகர்கள்
E FILING முறையில் மட்டுமே செய்ய வேண்டும் என அறிவித்தது.

வணிகவரித் துறை கேட்கும் பார்மெட்டில் தான் இணைப்புகளை (ANNEXURE) எக்ஸல் (Excel) மூலம் பதிவேற்றம் (UPLOAD) செய்ய வேண்டும்.

இந்த விஷயத்தில் பலரும் திணறிக் கொண்டிருக்க டேலி.ஈஆர்பி9
(Tally.ERP9) மூலம் எளிதில் இணைப்புகளை (ANNEXURES) (அப்லோடு) செய்யலாம் என கேள்விப்பட்டதும் எனது நண்பர் Tally 9ஐ Tally.ERP9க்கு வேறு வழியில்லாமல் மாற்றிக் கொண்டார்.

ERP9க்கு மாறியவுடன் வாட் வரி
ஈ- பைல் எளிதில் செய்ய ஆரம்பித்தார்.

இதன் மூலம் டாட்நெட் வசதி அவருக்கு ஒரு வருடத்திற்கு கிடைத்தது.

மேலும் அடுத்த ஒரு வருடத்திற்கு டேலி நிறுவனம் புதிதாக அறிமுகம் செய்யும் புதிய பதிப்புகளும்
(VERSION) , புதிய வெளியீடுகளும் ( RELEASE ) , அதே போல வரி சம்பந்தமான STAT FILEகளையும் பதிவிறக்கம்
(DOWNLOAD) செய்து கொள்ளலாம். பின்பு நீண்ட இடைவெளிக்கு பிறகு சமீபத்தில் நண்பரின் அலுவலகத்திற்கு சென்றிருந்தேன். நான் சென்ற போது எனது நண்பர் கணினியில் மின்னஞ்சலை பார்த்துக் கொண்டு தனது வாடிக்கையாளரிடம் பேசிக் கொண்டிருந்தார்.

தனது Tally.ERP9 ன் டாட் நெட் சேவை விரைவில் முடிவடைவதால் அச்சேவையை புதுப்பித்துக் கொள்ள நினைவூட்டும் மின்னஞ்சல் அது.

டேலியின் டாட் நெட் சேவையை தற்போது புதுப்பிக்கும் எண்ணமில்லை என்றார்.

என்னுடைய டேலி பைல் ஏதாவது திறக்க முடியாமல் போனால் டேலி சர்வரிலிருந்து எனக்கு தேவைப்படும் டேட்டாவை எடுத்து தருவார்கள்.

எனக்குத் தான் ஆட்டோ பேக்அப் வசதி இருக்கே. அப்புறம் ஏன் நான் வருடா வருடம் டாட் நெட்டை ரினிவல் செய்யனும் என்றார்.
பேச்சு பேச்சாத் தான் இருக்கிறது.

நண்பர் இன்னமும் அந்த கோட்டை தாண்டல.

அவரோட வாதம் பிடிவாதமாய் இன்னமும் தொடர்கிறது. இந்த பதிவை படித்த மகாஜனங்களே
"இது கதையல்ல நிஜம்".


டேலி (TALLY) மென்பொருளை
Tally 5.4 முதல்
Tally 9 வரை ஏறத்தாழ 10 வருடங்களாக பயன்படுத்தும் நண்பர் Tally.ERP9 ன் டாட் நெட் வசதி பற்றி புரியாமல் பேசுவது ஏன்..?

10 வருட டேலி அனுபவத்தில் நிபுணராக
(EXPERT) மாறி இருப்பார்னு பார்த்தா இப்படி கொலையா கொல்றாரே

யார் இப்படி பேச சொல்லிக் கொடுத்தது.

ஒரு வேளை ரூம் போட்டு யோசிச்சிருப்பாரோ.

இல்ல குப்புறப் படுத்து யோசிச்சிருப்பாரா

மூக்கு புடப்பா இருக்கிறதால இந்த மாதிரி யோசிக்க தோனுதா

டேலி பயன்பாட்டு மொழிகளின் பட்டியல்.

அழைப்பு மணி
( காலிங் பெல் ) ஒலித்தது. கதவைத் திறந்தேன்.
வந்தவர்
"சார் கேஸ் " என்று உரத்த குரல் கொடுத்தார்.

எம்டி (EMPTY) கொடுங்க சார் என்றார்.

காலி சிலிண்டர் தந்தேன்.
காலி சிலிண்டர் எடுத்துக் கொண்டு சென்றவர் பின்பு முழு சிலிண்டர் எடுத்து வந்தார்.

காசு கொடுங்க சார் என்று பில்லை நீட்டினார்.

பில் இரு பகுதியாக இருந்தது.

பில்லின் ஒரு பகுதியை எனக்கு தந்துவிட்டு பில்லின் மற்றொரு பகுதியில் கையெழுத்திட சொன்னார்.

எனக்கு ஒரே ஆச்சர்யம் காரணம் நான் கையெழுத்திட்ட பில் முழுக்க தமிழில் அச்சிடபட்டிருந்தது.

எனக்கு தந்த பில் ஆங்கிலத்தில் அச்சிடப்பட்டிருந்தது.

ஒரே பில் தான் ஒரு பகுதி ஆங்கிலம் ஒரு பகுதி தமிழ் ஏன் என்று கேட்டேன்.

எங்களை மாதிரி டெலிவரி பாய்ஸுக்கும் லோடு மேனுக்கும் ரூட்டுல ( ROUTE ) ஈசியா டெலிவரி செய்றதுக்கு தமிழில் பில்.

கஸ்டமருக்கு இங்கிலீஸ்ல பில் என்றார். எங்க ஆபிஸில இங்கிலீஸுல பில்லை சார்ட்டா அடிக்கிறாங்க சார்.

அதை எங்களை போல இருக்கிற லோடுமேனால சரியா படிச்சு புரிஞ்சிக்க முடியாது.

சில சமயம் பழக்கப்பட்ட ஏரியாவுல கஸ்டமர் வீட்டுக்கிட்ட நின்னுகிட்டே அந்த அட்ரஸை தேடுற காமெடி எல்லாம் நடக்கும் என்றார்.

அவர் பேச்சை கேட்ட போது கவிஞர் காசி ஆனந்தனின் இந்த பாடல் தான் ஞாபகம் வந்தது.


"தமிழா நீ பேசுவது தமிழா "

டேலி (tally) மென்பொருள் மூலம் தமிழ் உட்பட பல்வேறு மொழிகளில் பில் அச்சிடலாம் என்று சொல்கிறோம்.

ஏனென்றால் Tally ( டேலி ) மென்பொருள் என்பது CONCURRENT MULTILINGUAL SOFTWARE ஆகும். எங்கேயாவது டேலி மென்பொருள் மூலம் தமிழில்
( TAMIL ) அச்சிடப்பட்ட பில்லை நீங்கள் பார்த்திருக்கிறீர்களா...?

வெகு அபூர்வமான விசயம். காரணம் யாரும் முயற்சி செய்து பார்ப்பதில்லை!


நம்மில் பலருக்கு டேலி (TALLY) மென்பொருள் மூலம் ஆங்கிலத்தில் மட்டுமே கணக்குகளை நிர்வகிக்க முடியும் என நினைத்துக் கொண்டிருக்கிறோம்.

டேலியில் ஏதாவது ஒரு கம்பெனியை திறந்து கொள்ளுங்கள்.

ALT+ G என்ற சுருக்குவிசையை பயன்படுத்தி தமிழ் மொழியை தேர்வு செய்தால் ஒட்டு மொத்த டேலி மெனுவும் தமிழில் மாறிவிடும் என்பது தெரியுமா..

பிறகு நீங்கள் தமிழிலும் ஆங்கிலத்திலும் கணக்கு நிர்வகிக்கலாம்.
தமிழில் பில் அச்சிடலாம்.

உங்கள் கைப்பேசியில் SETTING MENU விற்கு LANGUAGE பகுதியை திறந்து தமிழ் மொழியை தேர்வு செய்தால் மொத்த மெனுவும் தமிழில் மாறிவிடுகிறது அல்லவா.
பின்பு குறுஞ்செய்தியை கூட தமிழில் அனுப்பலாம். அதுபோலத் தான் இதுவும். அப்ப டேலி மென்பொருளில் தமிழ் தவிர வேறு என்ன பயன்பாட்டு மொழிகள் இருக்குன்னு தெரிஞ்சுக்கனுமா..

Tallyல் ஏதாவது ஒரு கம்பெனியை திறந்து கொள்ளுங்கள்.

ALT+G என்பதை அழுத்துங்கள். இப்பொழுது என்னென்ன மொழிகளில் டேலி மென்பொருளை பயன்படுத்தலாம் என பயன்பாட்டு மொழிகளின் பட்டியல் தெரிகிறதா..

இதோ அந்த பட்டியல்.

1) ARABIC ( SAUDI ARABIA )

2) URDU (ISLAMIC REPUBLIC OF PAKISTAN )

3) ஆங்கிலம்

4) இந்தோனேசியன் மொழி

5) கன்னடம்

6) குஜராத்தி

7) தமிழ்

8) தெலுங்கு

9) பஞ்சாபி

10) பஹாஸா மெலாயு

11) மராத்தி

12) மலையாளம்

13) வங்காளி

14) ஹிங்கிலிஷ்

15) ஹிந்தி

உங்கள் தேவை எதுவோ அந்த மொழியில் டேலி மென்பொருளை உபயோகித்து பயன்பெறுங்கள்.

டேலியில் பயன்பாட்டு மொழியை மாற்ற சுருக்குவிசை


ALT+G.


டேலியில் விசைப்பலகை
( KEY BOARD ) யின் தட்டச்சு மொழி
( TYPING LANGUAGE ) மாற்றம் செய்ய சுருக்கு விசை

ALT+ K.

IMAGE PRINTING IN Tally.ERP9 டேலி ( TALLY ) மூலம் இன்வாய்ஸை லோகோவுடன் பிரிண்ட் செய்வது எப்படி...? கற்கலாம் வாங்க..

பூக்கடைக்கு விளம்பரம் தேவையில்லை என்று சொல்வார்கள்.
ஆனால் உங்கள்
நிறுவனத்தின் தயாரிப்புகளை வியாபாரச் சந்தையில் கொண்டு சேர்க்க
விளம்பரம் அவசியம் தேவை.

அதேபோல் தான் அரசியல் கட்சிகள் தங்கள் கட்சியின்
சின்னங்களை மக்களிடம் கொண்டு சேர்க்க விளம்பரம் செய்கிறார்கள்.

பிரச்சாரம் செய்கிறார்கள்.
சாலை ஊர்வலம் செல்கிறார்கள்.

சரி.

டேலி.ஈ.ஆர்.பி 9
( Tally.ERP9 ) மூலம் எப்படி உங்களது விற்பனை பில்லை
( SALES INVOICE ) கம்பெனி லோகோ LOGO உடன் எப்படி அச்சிடுவது
( PRINT செய்வது ).

அச்சகத்தில் ( பிரிண்டிங் பிரஸ் ) கொடுத்து தான்
உங்கள் நிறுவனத்தின் லோகோவுடன் இது வரை விற்பனைபில்லை அச்சடித்து
வந்திருப்பீர்கள்.

சாதாரணமாக பில்புக் அச்சிட்டு தரும்போது கேட்கும்
தொகையை விட லோகோவுடன் அச்சிட்டுத் தந்தால் கூடுதல் தொகை
கேட்டிருப்பார்கள்.

இப்போது டேலி.ஈ.ஆர்பி9
( Tally.ERP9 ) மூலம்
நீங்கள் எளிதில் லோகோவுடன் விற்பனை பில் அச்சிடலாம் !


இந்த வசதி
Tally.ERP9ன் ரிலீஸ் 3லிருந்து புதிதாய் தரப்பட்டது.

என்னங்க பிரஸ் ( PRESS ) வச்சிருக்கவங்களே D.T.P சென்டரில் கொடுத்துத் தான் இந்த வேலைகளை
செய்றாங்க.

நாங்க எப்படி எளிதில் இந்த வேலையை செய்ய முடியும்னு கேட்கிறீங்களா..

ஹலோ.. நண்பரே இதற்காக தனியா டேலி பயிற்சி புத்தகமோ அல்லது டேலி பற்றி
மின்னூல்
( E-Book ) ஏதாவது இருக்கான்னு தேடுறீங்களா..

இதற்காக சிறந்த தொழில் நுட்ப அறிவு உங்களுக்கு இல்லன்னு நினைக்கிறீங்களா.

கவலையே
படாதீங்க.

இதற்கு சிறந்த தொழில்நுட்ப அறிவோ
( TECHNICAL KNOWLEDGE )
அல்லது புதிதாய்
ஏழாம் அறிவு கூட தேவையில்லை.



வாங்க டேலி
( TALLY )
கத்துக்கலாமா..


முதலில் உங்கள் கம்பெனியோட லோகோவை
( LOGO ) JPEG
இமேஜ் பைலாகவோ அல்லது BMP இமேஜ் பைலாகவோ கம்பியூட்டரில் TALLY ஐகானை
ரைட் கிளிக் செய்து,
FIND TARGETஐ திறந்து
PROPERTY-ல் சேமித்து வைத்து
கொள்ளுங்கள்.

JPEG மற்றும் BMP இமேஜ் பைலின் ( SIZE ) அளவுகள்
( 96*80 ) என்று இருக்க வேண்டும்.

அதாவது இமேஜ் பைலின் அளவு:
அகலம் 96 PIXELS ஆகவும்,
உயரம் 80 PIXELS ஆகவும் இருக்க வேண்டும்.

இப்போது எந்த
கம்பெனியின் லோகோவின் இமேஜை சேமித்தீர்களோ அந்த கம்பெனியை திறந்து
கொள்ளுங்கள்.

இப்போது
F11 என்ற கீயை அழுத்துங்கள்.

பிறகு F1 ஐ
அழுத்துங்கள்.

ACCOUNTING FEATURES என்ற திரை தெரிகிறதா..

அதில் கடைசியாக இருக்கும்
OTHER FEATURES என்ற பகுதிக்கு சென்று ENABLE
COMPANY LOGO ..? என்பதற்கு
YES என மாற்றுங்கள்.


இப்போது புதிதாய்
COMPANY LOGO என்ற ஒரு கட்டம் தெரியும்.


அந்தக் கட்டத்தில்
LOCATION OF LOGO என்ற பகுதிக்கு செல்லுங்கள்.

அங்கே உங்கள் கம்பியூட்டரில் லோகோ
இமேஜ் சேமித்து வைத்துள்ள டிரைவின் ரூட் பாத்தை டைப் செய்யுங்கள்.


உதாரணத்திற்கு

D:/Tally.ERP9.CompLogo.jpg

அல்லது

C:/Tally.ERP9.CompLogo.bmp


இப்படி எதுவோ அதை டைப் செய்யுங்கள்.


குறிப்பு:-
பைல் பெயர் .bmp அல்லது .jpg என்று தான் முடியும்வகையில்
இருக்க வேண்டும்.

இப்போது SAVE செய்து OK என்று அழுத்தவும்.
அவ்வளவு தான்.

நீங்கள் எடுக்கும் எல்லா பிரிண்ட்களிலும் கம்பெனி லோகோ இருக்கும்.

ஒரு SALES INVOICE ஐ பிரிண்ட் எடுத்து பாருங்கள்.

பில்லின்
மேல்பகுதியின் இடதுஓர மூலையில் லோகோ இருக்கிறதா?

SALES INVOICE
பிரிண்டில் மட்டுமல்ல நீங்கள் பிரிண்ட் எடுக்கும்



PURCHASE ORDER ,

DELIVERY NOTE ,

SALES ORDER ,

RECEIPT VOUCHER ,

DEBIT / CREDIT NOTE ,


REMINDER LETTER ,

CONFIRMATIONS OF ACCOUNTS


என எல்லாவற்றிலும் கம்பெனி
லோகோ பிரிண்ட் ஆகி இருக்கும்.

இது தாங்க டேலியின்
( Tally) லோகோ இமேஜ் பிரிண்டிங் என்பது.
டேலியின் இந்த வசதியால்
உங்கள் பிரிண்டிங் சார்ஜ்
( அச்சுகூலி ) வெகுவாக குறையும்.

மீண்டும் சந்திப்போம்,
(அடுத்த பதிவில் )
புதிதாய் சிந்திப்போம்

( Tally பற்றி.. )


- நன்றி.
K.RAJA.
கே.ராஜா.

போடுங்கம்மா ஓட்டு டேலி சின்னத்தை பார்த்து..

டேலி இன்வாய்சில் கம்பெனி லோகோ (LOGO).

"போடுங்கம்மா ஓட்டு".
சமீப காலமாக எல்லோர் காதுகளிலும் ஒலித்த வார்த்தை தான் "போடுங்கம்மா ஓட்டு"

வழக்கமான தேர்தல் போல் கூட்டணி குழப்பம் இல்லாமல் பெரும்பாலும் அனைவரும் தனித்தே நின்றனர் இந்த உள்ளாட்சி தேர்தலில்.

வாக்கு சேகரிக்க வந்தவர்கள் உங்களுக்கு ஒரு பெரிய கும்பிடு போட்ட கையோடு தங்கள் சின்னத்தையும் காண்பித்து உங்களது பொன்னான வாக்குகளை கேட்டு சென்றிருப்பார்கள்.

கட்சிகளுக்கு கொள்கை எவ்வளவு முக்கியமோ அந்த அளவு கொடியும் சின்னமும் முக்கியம்.

வாக்களர்களின் மனதில் சென்றடைவது சின்னங்களே.

DMK (திராவிட முன்னேற்ற கழகம்)
சின்னம் உதயசூரியன்.

ADMK (அண்ணா திராவிட முன்னேற்ற கழகம்)
சின்னம் இரட்டை இலை.

பா.ம.க-(பாட்டாளி மக்கள் கட்சி)
மாம்பழம்.

MDMK (மறுமலர்ச்சி திராவிட முன்னேற்ற கழகம்)
சின்னம் பம்பரம்.

தே.மு.தி.க வின் சின்னம் கொட்டு முரசு.

இப்படி கரை வேட்டிகள் திரும்ப திரும்ப உங்களை தேடி வந்தாலும் வாக்குச்சாவடியில் நீங்கள் தேடுவது உங்களுக்கு பிடித்த சின்னம்.

ஆக உங்கள் எண்ணங்களில் எளிதில் குடி கொள்வது சின்னங்களே.

அவ்வளவு ஏன் சுயேட்சை வேட்பாளர்களுக்கும் சின்னம் உண்டு.

அரசியல்ல சின்னமெல்லாம் சாதரணமப்பா.
வேட்பாளர்களின் எளிதில் கவரும் சின்னங்களே வாக்காளர்களின் வாக்குகளாக மாறுகின்றன. அதனால் தங்களோட சின்னத்தை மக்களிடம் சென்று பிரபலபடுத்தி சேர்க்க பெருமளவில் விளம்பரம் செய்கிறார்கள்.

அப்போ உள்ளாட்சி தேர்தலில் யார் வெற்றி பெறுவார்..?

மக்களால் எந்த கட்சியின்
(வேட்பாளரின்) சின்னம் அதிகமாக முத்திரையிடப் படுகிறதோ அந்த சின்னத்தின் வேட்பாளரே வெற்றியடைவார்.

உள்ளாட்சி தேர்தல் மட்டுமல்ல சட்டமன்ற தேர்தல் , பாராளுமன்ற தேர்தல் என எல்லாவற்றிற்குமே இது பொருந்தும்.

அரசியல்ல சின்னங்கள் சரி.

வியாபாரத்திற்கும் டேலிக்கும்
(TALLY) என்ன சம்பந்தம் என்கிறீர்களா..?

பொதுவாக வியாபார சந்தைக்கு வரும் பொருட்கள் விளம்பரமில்லாமல் மக்களிடம் சென்றடைவதில்லை.

அவ்வாறு விளம்பரத்தப்படும் போது அந்த கம்பெனியின் லோகோ (LOGO) எனப்படும் சின்னங்களே அதிகமாக மக்களை சென்றடைகின்றன.

G FOR HEALTH என்ற காளீஸ்வரி நிறுவனத்தின் கோல்டு வின்னர் ஆயில் விளம்பரமானாலும் சரி,
உனா பானா என்ற உதயம் பருப்பு விளம்பரமானாலும் சரி,
ஒவ்வொரு கம்பெனியின் லோகோவும் அந்தப் பொருளோடு விளம்பரபடுத்த படுகிறது.
N என்ற எழுத்தோடு கூடிய லோகோ நேனசல் பானாசோனிக் கம்பெனியின் பொருள் என்பதை சர்வதேச அளவில் எடுத்து செல்கிறது.

அதே போலத் தான் S என்ற எழுத்தை கொண்ட லோகோ சின்னம் SONY நிறுவனத்தின் தயாரிப்பு களை உலகெங்கும் அடையாளம் காட்டுகிறது.

ஆக சிறிய நிறுவனமோ பெரிய நிறுவனமோ அவற்றின் லோகோ சின்னங்களே அவர்களின் தயாரிப்புகளை அடையாளம் காட்டுகின்றன.

BCCI மேட்ச் ஆனாலும் சரி,
IPL மேட்ச் ஆனாலும் சரி அதற்கும் ஒரு லோகோ உண்டு.

வித்தியாசமாக S என்ற எழுத்தை கொண்ட மாருதி சுசூகி-யின் லோகோவை மறக்க முடியுமா.
இல்லை நரசுஸ் காபி, மர்பி ரேடியோ இவற்றின் லோகோகளைத் தான் மறக்க முடியுமா.
ஸ்டீவ் ஜாப்ஸ் - ன் ஐபோன், ஐபேடு- களை பிரபலபடுத்திய ஆப்பிள் சின்னம் எவ்வளவு பிரபலம்.

அவ்வளவு ஏன் தமிழக அரசின் லோகோ ஸ்ரீவில்லிபுத்தூர் கோயில்,
இந்திய அரசின் லோகோ சாஞ்சி சாரநாத் ஸ்தூபி,

மத்திய ரிசர்வ் வங்கியின் புலி சின்னம் என எவ்வளவோ சொல்லிக் கொண்டே போகலாம்.

பொதுவாக லோகோ என்ற சின்னங்கள் மக்கள் மத்தியில் பொருள்களை விளம்பரபடுத்தவும் அந்த நிறுவனத்தை அடையாளப்படுத்தவும் பெரிதும் உதவுகிறது. என்ன சார்... உங்க நிறுவனத்திற்கும் லோகோ சின்னம் இருக்கா..?

அப்ப கட்டாயம் நீங்க அந்த லோகோ சின்னத்தை விற்பனை பில், டெலிவரி செலான் , லட்டர் பேடு, விசிட்டிங் கார்டு என எல்லாவற்றிலும் பிரிண்ட் செய்திருப்பீர்கள்.

இதற்காகத் தான் Tally.ERP9 லிலும் லோகோ பிரிண்டிங் என்ற புதிய வசதி செய்து தரப்பட்டுள்ளது.

இப்போது Tally.ERP9 புதிதாய் அரபி ( ARABIC ) மொழியிலும்..

*=Tally.ERP 9*= ன் புதிய அம்சங்கள்
( LATEST UPDATES )

* அரபி العربية (ARABIC) மொழியில் டேலி
(TALLY) *

தேவை எங்கெல்லாம் இருக்கிறதோ அங்கெல்லாம் எங்கள் சேவை தொடரும் என்பதே டேலி
(TALLY) நிறுவனத்தின் சிறப்பம்சம்.

அரபி மொழி இன்று வளைகுடா நாடுகளில்
(GULF COUNTRIES) அதிக மக்களால் பேசப்பட்டு வருகிறது.
அதுமட்டுமல்ல 25 க்கும் மேற்பட்ட நாடுகளில் அரபி மொழி ஆட்சி மொழியாக இருக்கிறது.
மேலும் தற்போது ஏராளமானோர் வளைகுடா நாடுகளில் டேலி (TALLY) மென்பொருளை பயன்படுத்துகிறார்கள்.

ஏற்கனவே டேலி மென்பொருளில் ஆங்கில மொழியோடு பல்வேறு மொழிகளிலும் பயன்படுத்தும் வசதி உள்ளது.

இப்போது கூடுதலாக அரபி மொழியிலும் பயன்படுத்த வசதி தரப்பட்டுள்ளது.

ஆங்கில மொழி மூலம் அண்டை மாநிலங்கள் மட்டுமல்ல உலகின் எந்த நாட்டு மக்களையும் எளிதில் தொடர்பு கொள்ள முடியும்.

இன்று ஆங்கில மொழி உலகப் பொதுமொழியாக இருப்பதற்கு காரணம் இருக்கிறது.

உலகப் போரின் போது உலகின் பாதிக்கும் மேற்பட்ட நாடுகள் இங்கிலாந்து நாட்டின் காலனி நாடுகளாக ( இந்தியா உட்பட ) இருந்தன.

அதனால் தான் பிரிட்டிஷ் சாம்ராஜ்யத்திற்கு சூரிய அஸ்தமனமில்லை என்று சொன்னார்கள்.

காலப்போக்கில் ஏராளமான நாடுகள் விடுதலை அடைந்தாலும் ஆங்கிலேயரின் நிர்வாக மொழியான ஆங்கில மொழி மக்களோடு மக்களாக இரண்டற கலந்துவிட்டது.

அவ்வளவு ஏன்..
நம்மால் ஆங்கில மொழி கலப்பில்லாமல் பேசுவது கடினமாக இருக்கிறது அல்லவா!

நாம் பேசும் தமிழ்மொழியே பேச்சுவழக்கால் தனது இயல்புதன்மை இழந்து தங்கிலீஸ் ( TANGLISH) ஆக மாறிவிட்டது.

ஆங்கிலத்தில் கணக்குகளை எளிதில் டேலி மென்பொருள் மூலம் நிர்வகிக்க முடியும்.

சரி.. பிறகு எதற்கு டேலியில் ஆங்கிலம் தவிர மற்ற மொழிகளில் கணக்குகளை நிர்வகிக்க வேண்டும்..?


உதாரணத்திற்கு இந்தியாவை எடுத்துக் கொள்ளுங்கள்.
பல்வேறு வேறுபட்ட மொழி, இனம், மதம், கலாச்சாரம், பண்பாடு ஆகியவற்றின் மொத்த கலவை.
மொழிவாரி மாநிலங்களின் ஒருங்கிணைந்த இணைப்பு.
நாம் எந்த மொழியை தாய் மொழி கொண்டிருந்தாலும் அனைவரும் இந்தியரே.

அதே போல் தான் எந்த மொழியில் நாம் டேலியை உபயோகப்படுத்தினாலும் டேலி அமைப்பு மாறாது.

Google, Yahoo, Facebook என பல்வேறு இணையசேவைகள் தமிழ் உட்பட பல்வேறு இந்திய மொழிகளில் தனது சேவையை தருவது எதனால்..?

குறிப்பிட்ட மொழிகள் பேசுவோர் தனது இணையதளத்தை அதிகம் பயன்படுத்துவதால் தான்.

அதேபோல் தான் எந்த மொழி பேசுவோர் அதிகமாக டேலி மென்பொருளை பயன்படுத்துகிறார்களோ அந்த மொழியை தனது மென்பொருளில் பயன்பாட்டு மொழியாக சேர்த்து கொள்கிறது.

தாய்மொழி மூலம் பயன்படுத்துவதால் ஆர்வமாய் ஏராளமான பயனாளர்கள் (USERS) அதிகரிப்பார்கள்.
அதனால்தான் டேலியை


CONCURRENT
MULTILINGUAL
SOFTWARE

என்று சொல்கிறார்கள்.

ஒரே சமயத்தில் ஆங்கிலத்தோடு பிற மொழிகளை பயன்படுத்துவதால் என்ன பலன் எனக் கேட்கிறீர்களா..

நீங்கள் வட இந்திய மாநிலத்திற்கு சரக்கை அனுப்புகிறீர்கள் என வைத்துக் கொள்வோம்.

இன்வாய்ஸ் மற்றும் டெலிவரி செலானையும் டேலி மூலம் ஆங்கிலத்தில் அனுப்புவதை விட இந்தியில் அனுப்பி பாருங்கள்.

நிச்சயம் கூடுதல் பலன் கிடைக்கும்.

உங்களது சரக்கை பெற்ற வெளிமாநில வணிகர் அவரது தாய்மொழியிலேயே தொடர்பு கொள்வதால் ஒரு புரிந்துணர்வு ஏற்பட்டு வியாபாரம் பெருகும்.


ஓவ்வொருக்கும் தாய் மொழி என்பது
"கண்" போன்றது.

ஆங்கிலம் என்பது கண்ணுக்கு மேல் அணியும் "கண்ணாடி" போன்றது.

அந்த கண்ணாடி அழகுக்காக
(STYLE) அணியும் கூலிங்கிளாஸாகவும் இருக்கலாம். அல்லது உங்கள் பார்வையின் தேவைக்கேற்ப அணியும் பவர் கிளாஸாகவும் இருக்கலாம்.

அதுபோலத் தான் டேலியிலும் உங்கள் தேவைக்கேற்ப பயன்பாட்டு மொழியை மாற்றியமைத்து பயனடையுங்கள்.



டேலியில் பயன்பாட்டு மொழி தேர்விற்கான சுருக்கு விசை

ALT+G

உங்கள் NOKIA அல்லது SAMSUNG கைப்பேசியை எடுத்து கொள்ளுங்கள்.

இப்போது
MENU
SETTINGS
LANGUAGES ஐ திறந்தால் ஆங்கிலம் தவிர வேறு சில மொழிகள் இருக்கும்.

அதில் தமிழை தேர்வு செய்யுங்கள்.

உங்கள் கைப்பேசியியின் மொத்த மெனுவுமே தமிழில் மாறியிருக்கும்.

CONTACTS
(தொடர்புகள்)

MESSAGES
(தகவல்கள்)

SETUP
(அமைப்புகள்)
என இருக்கும்.

இப்போது தமிழிலும் ஆங்கிலத்திலும் குறுந்தகவல் அனுப்ப முடியும்.

இதே தான் டேலியில் மாற்றுகிறீர்களோ அந்த மொழியில் மெனுக்கள் தெரியும்.

அதேபோல் அந்த குறிப்பிட்ட மொழியில் பதிவுகளை பதிவு செய்யலாம்.

லெட்ஜர்களை தமிழில் துவக்கலாம்.


இதையும் தெரிந்து கொள்ளுங்கள்..

1) நாம் வழக்கமாக தமிழிலோ அல்லது ஆங்கிலத்திலோ எழுதும் போது என்ன செய்வோம்.


இடமிருந்து வலமாக
(LEFT TO RIGHT) தான் எழுதுவோம். ஆனால் அரபி மொழியில் வலமிருந்து இடமாக
( RIGHT TO LEFT) எழுதுவார்கள்.


2) அதேபோல் நாம்
தேதி/ மாதம் /வருடம்
(DAY/ MONTH/ YEAR)
என்ற முறையில் எழுதுவோம்.
ஆனால் அரபி மொழியில் வருடம்/ மாதம்/ தேதி

(YEAR/MONTH/ DAY) என்று எழுதுவார்கள்.


3) வழக்கமாக நாம் பயன்படுத்தும் புத்தகங்கள் எப்படி இருக்கும்.. முகப்பு அட்டை
(FRONT PAGE) துவங்கி பின்புற அட்டை யில்
(LAST PAGE) முடியும்.

பக்க எண் 1 முதலில் துவங்கி கடைசியில் முடியும்.


அரபி மொழியில் பின்புற அட்டை
( LAST PAGE ) மேலில் இருக்கும்.
முகப்பு அட்டை
( FRONT PAGE ) கீழே இருக்கும்.

Tally.ERP9ல் புதிய இந்திய நாணய குறியீடு ( NEW INDIAN CURRENCY SYMBOL IN Tally.ERP9 )

*=Tally.ERP 9*=ன் புதிய அம்சங்கள்
( LATEST UPDATES )
( TALLY 9 )

அமெரிக்கா நாட்டின் பணத்தை டாலர் ( DOLLAR ) என்று அழைப்பார்கள்.

இங்கிலாந்தின் பணத்தை ( CURRENCY ) பவுண்டு ( POUND ) என்றும்

ஜப்பான் கரன்சியை யென் ( YEN ) என்றும்

ஐரோப்பிய கூட்டமைப்பு நாடுகளின் கரன்சியை யூரோ ( EURO ) என்றும் அழைப்பார்கள்.

டாலர்
( DOLLAR ) $

பவுண்டு
( POUND ) £

யூரோ
( EURO ) €


யென்
( YEN ) ¥



இவற்றின் கரன்சி குறியீடுகள்
( CURRENCY SYMBOL )
உலக அளவில் பிரசித்தமானது.

அதேபோல் தான் நம் இந்திய நாட்டின்

பணத்தை
( CURRENCY )

ரூபாய்
(RUPPEES )

என்று அழைக்கிறோம்.
உதாரணத்திற்கு 1000 ரூபாய் என்பதை எப்படி எழுதுவோம்.
ரூ. ஆயிரம் மட்டும் என்று தமிழில் எழுதுவோம்.

ஆங்கிலத்தில் எழுதும்போது Rs.1000 only என எழுதுவோம்.

Rs என்ற இந்திய நாணய குறியீட்டை
( CURRENCY SYMBOL ) இந்திய அரசு சமீபத்தில் மாற்றி அமைத்தது அனைவருக்கும் தெரிந்ததே.

இதை வடிவமைத்த பெருமை தமிழகத்தை சேர்ந்த உதயகுமார் என்பவரை சேரும்.

புதிய நாணய குறியீட்டுடன் கூடிய
1 ரூபாய்,
2 ரூபாய்,
5 ரூபாய்,
10 ரூபாய்
நாணயங்களை ரிசர்வ் வங்கி விரைவில் புழக்கத்திற்கு விட உள்ளது.

இந்த புதிய நாணய குறியீட்டை டவுண்லோடு செய்து பலரும் MS WORD ,
EXCEL -லில் பயன்படுத்த துவங்கி விட்டனர்.

அப்ப ( TALLY ) டேலி மட்டும் என்ன சும்மாவா..

நாமும் காலத்திற்கேற்ப மாறணுமில்ல.

அதனால் Tally.ERP9 ம் தனது மென்பொருளில் புதிய மாற்றம் செய்துள்ளது.

RELEASE 3 ல் இதற்குரிய மாற்றம் செய்யப்பட்டுள்ளதால் Rs என்பதற்கு பதிலாக புதிய நாணய குறியீட்டுடன் அனைத்து ரிப்போர்டும் நமக்கு கிடைக்கும்.

நாம் பிரிண்ட் எடுக்கும் எல்லா ரிப்போர்ட்களிலும், சேல்ஸ் இன்வாய்ஸ்களிலும் புதிய இந்திய நாணய குறியீடு தான் இருக்கும்.


இந்த நாணய குறியீட்டிற்கான புதிய சுருக்குவிசை
( ShortCut Key )

Ctrl + 4

Ctrl+ N என்ற சார்ட்கட் கீயை அழுத்தி உங்கள்

Tallyன் கால்குலேட்டரை திறந்து கொள்ளுங்கள்.

இப்போது





Ctrl +4
என்பதை ஒரு சேர அழுத்துங்கள்.

புதிய இந்திய நாணய குறியீடு தெரிகிறதா...?

வரி மாற்றங்களும் சில நெருடல்களும் ( Tally 9 )

VAT

நெருடல் 1 :

வாட் வரிச் சட்டம் 1.1.2007 நடைமுறைக்கு வந்தது.
ஆனால் அதற்கு முன் எந்த ஒரு பொருளுக்கும் வரி மாநிலத்திற்கு மாநிலம் மாறுபடும்.

தமிழகத்தில் 20 சதவீத வரிக்கு விற்கப்படும் பொருள் பாண்டிச்சேரியில் 4 சதவீத வரிக்கு கூட விற்கப்படும்.

அதற்காக இந்தியாவில் நீங்கள் எந்த மாநிலத்தில் ஒரு பொருளை வாங்கினாலும் ஒரே வரி தான் இருக்க வேண்டும்.

ஒரே பொருளுக்கு மாநிலத்திற்கு மாநிலம் வரி வேறுபடக்கூடாது.

சமச்சீர் வரித் திட்டம்
(UNIFORM TAX SYSTEM)
என்ற முறை தேவைப்பட்டது.

அதற்காகத் தான் மதிப்புக்கூட்டு வரி
( VALUE ADDED TAX ) எனும் வாட் வரி இந்தியா முழுவதும் கொண்டு வரப்பட்டது.

ஆனால் நடப்பது என்ன..?

இந்தியா முழுதும் எந்த பொருளுக்கும் ஒரே வரி விகிதம் என்பதற்காக ஆரம்பிக்கபட்ட STATE BASED VAT SYSTEM இன்று எந்த பொருளை வாங்கினாலும் பழையபடியே மாநிலத்திற்கு வெவ்வேறு வரி விகிதம் என வந்துள்ளது!


நெருடல் 2 :

தமிழக வாட் வரிச் சட்டத்தில் இன்னமும் REVISED RETURN கொடுக்க வணிகர்களுக்கு வாய்ப்பு தரப்படவில்லை!


நெருடல் 3 :

வாட் வரி நடைமுறைக்கு வந்தவுடன் மத்திய விற்பனை வரி
( CST ) ஆண்டிற்கு ஒரு சதவீதம் வரி குறைக்கப்படும் என கூறப்பட்டது.
ஆனால் நடந்தது என்ன..?!

4 சதவீதமாக இருந்த மத்திய விற்பனைவரி
( CST )
முதலில் 3 சதவிகிதமாகவும்
பின்பு 2 சதவிகிதமாகவும் குறைக்கப்பட்டது.
ஆனால் 2 சதவிகித மத்திய விற்பனைவரி இன்னமும் குறைக்கபடாமல் இருக்கிறது!

தற்போது CST வரியே இல்லாமல் இருந்திருக்க வேண்டும்..
ஆனால் ஏனோ
2 சதவிகித வரியாகவே தொடர்கிறது.

இது ஒருபுறம் இருக்க
வாட் வரியை நீக்கி விட்டு மத்திய அரசு இந்தியா முழுவதும் GST
( சரக்கு சேவை வரி )
என்ற வரித் திட்டத்தை கொண்டுவர உள்ளது.

இதன்படி
( Goods Service Tax )
சரக்கு சேவைவரி என்பது

VAT ,

CST ,

EXCISE ,

SERVICE TAX

என அனைத்து வரிகளையும் உள்ளடக்கியதாக இருக்கும்.

இதற்காக மத்திய அரசு மாநில அரசுகளிடம் தீவிரமாக ஆலோசித்து வருகிறது.

இந்த உலகில் மாற்றம் ஒன்றே மாறாதது.

=* நேற்று *=
31.12.2OO6 வரை
TNGST தமிழ்நாடு பொது விற்பனை வரிச் சட்டம் Tamil Nadu General Sales Tax.

=* இன்று *=
1.1.2007 முதல் VAT மதிப்பு கூட்டு வரிச் சட்டம் Value Added Tax.

=* நாளை *=
GST சரக்கு சேவை வரி Goods Service Tax.



நாட்டில் எந்த வரிச் சட்டம் நடைமுறைக்கு வந்தாலும்
Tally நிறுவனம் அதற்கேற்ப தனது மென்பொருளில் மாற்றங்கள் செய்து புதிய மேம்படுத்திய (Release) வெளியீடுகளை அறிமுகம் செய்கிறது.
இதனால் Tally மென்பொருளை உபயோகிப்பவர்கள் எளிதில் கணக்குகளை பதிவு செய்ய முடிகிறது. அதேபோல் வரிகளை சரியாக கணக்கிட்டு அரசுக்கு செலுத்த முடிகிறது. பயன்பாட்டாளர்களின் தேவைக்கேற்ப தங்கள் மென்பொருளில் மாற்றம் செய்து வெளியிடுவதால் தான் அன்றும் இன்றும் என்றும் Tally நிறுவனம் கணக்கியல் மென்பொருள் விற்பனையில் தொடர்ந்து முதலிடம் வகிக்கிறது.

தமிழகத்தில் புதிய வாட் வரி மாற்றமும், Tally.ERP9ல் புதிய மாற்றமும் ரிலீஸ் 146 ( TALLY 9 )

*=Tally.ERP 9*= ன் புது வெளியீடு ரிலீஸ் 146.

தமிழக அரசு முன்னதாக ஆகஸ்டு 4ம் தேதி பட்ஜெட் கூட்டத்தொடர் என அறிவித்திருந்தது.
ஆனால் யானை வரும் முன்னே மணியோசை வரும் பின்னே என்பது போல வரி மாற்றம் தற்போது முன்னே வந்துள்ளது. பட்ஜெட் ஆகஸ்டில் என தெரிகிறது.
புதிய வாட் ( VAT ) வரி மாற்றங்கள் 12.07.2011 முதல் உடனடியாக நடைமுறைக்கு வருகிறது.

அதன்படி இதுவரை 4 சதவீத வாட் வரி விதிக்கபட்ட பொருள்கள் எல்லாம் இனி 5 சதவீத வாட் வரி விதிக்கப்படும்.

அதே போல் இதுவரை 12.5 சதவீத வரி விதிக்கபட்ட பொருள்கள் எல்லாம் இனி 14.5 சதவீத வரி விதிக்கப்படும்.

புதிதாக தற்போது 20 சதவீத வரி அமல்படுத்தபட்டுள்ளது.

இதன்படி புகையிலை, சுருட்டு, பீடி, சிகரெட் முதலியவை 20 சதவீத வரிவிதிப்பிற்கு வந்துவிடும்.

டெக்ஸ்டைல் எனப்படும் ஜவுளி வகைகளுக்கு இதுவரை முழு வரிவிலக்கு அளிக்கப்பட்டிருந்தது. ஆனால் தற்போது ஜவுளி வகைகளுக்கு புதிதாக 5 சதவீத வரி விதிக்கப்பட்டுள்ளது. ஆனால் கைத்தறிக்கு வரிவிலக்கு தொடர்கிறது.

தற்போது பில் போடுவது முதல் கணக்கு பராமரிப்பு வரை எல்லாமே கம்பியூட்டர்மயமாகி விட்டது.

இதனால் புதிய வரி விகிதத்திற்கேற்ப எல்லா வணிகர்களும் தங்களது கணக்கியல் மென்பொருளில் (ACCOUNTS SOFTWARE) மாறுதல்களை உடனடியாக செய்ய வேண்டியுள்ளது.

வணிகர்கள் தங்கள் மென்பொருளில் திருத்தம் செய்தால் தான் புதிய வரியை வசூல் செய்ய முடியும்.

வாட் வரி கணக்கிட்டு மாத முடிவில் ரிட்டன்களை
E-FILE செய்ய முடியும். மற்ற தனியார் மென்பொருளை பற்றி தெரியவில்லை.

Tally நிறுவனம் நான் ரெடி நீங்க ரெடியா என்பது போல உடனடியாக தமிழக அரசின் வாட் வரி மாற்றத்திற்கேற்ப தனது மென்பொருளில் மாற்றம் செய்து RELEASE 146ஐ அறிமுகம் செய்துள்ளார்கள். எனவே உடனே

www.tallysolutions.com

என்ற தளத்திற்கு சென்று
RELEASE 146 ஐ பதிவிறக்கம் செய்து உங்கள்
Tally.ERP9 ஐ மேம்படுத்தி
(UPGRADE) கொள்ளுங்கள்..